मराठी बातम्या / फोटोगॅलरी / Loksabha Explainer : दिल्लीच्या सातही जागांवर भाजपसमोर ‘आप-कॉंग्रेस’ युतीचं कडवं आव्हान; जाणून घ्या दिल्ली लढतीचं चित्र

Loksabha Explainer : दिल्लीच्या सातही जागांवर भाजपसमोर ‘आप-कॉंग्रेस’ युतीचं कडवं आव्हान; जाणून घ्या दिल्ली लढतीचं चित्र

Apr 30, 2024, 01:28 PMIST

Haaris Rahim Shaikh

Delhi Lok Sabha Election 2024: केजरीवाल यांना ईडीने अटक केल्यानंतर 'आप'ने दिल्लीत सातही जागांवर आक्रमक प्रचार सुरू केला आहे. केजरीवाल यांची पत्नी सुनीता यांनी प्रचाराची धुरा खांद्यावर घेतली आहे. दिल्लीत शिक्षण, आरोग्य सोबतच कलम ३७०, सीएए, राम मंदिर सारख्या मुद्दांनी तापलेल्या वातावरणात भर घातली आहे.

New Delhi Loksabha constituency: नवी दिल्ली लोकसभा मतदारसंघात एकूण १० विधानसभा मतदारसंघांचा समावेश होतो. या मतदारसंघात एकूण१४.८ लाख मतदार असून मतदारांच्या संख्येनुसार हा दिल्लीतला सर्वात छोटा मतदारसंघ आहे. या मतदारसंघातून २०१४ आणि २०१९ साली मीनाक्षी लेखी भाजप खासदार म्हणून निवडून गेल्या आहेत. लेखी यांनी २०१४ साली 'आप' नेते, माजी पत्रकार आशिष खेतान आणि २०१९ साली कॉंग्रेसचे यांचा पराभव केला होता. परंतु भाजपने येथून माजी केंद्रीय मंत्री, दिवंगत सुषमा स्वराज यांची मुलगी बांसुरी स्वराज हिला उमेदवारी दिली आहे. बांसुरीचा सामना ‘आप’चे तीन वेळा आमदार असलेले सोमनाथ भारती यांच्याशी होणार आहे. सध्या जेलमध्ये असलेले दिल्लीचे मुख्यमंत्री अरविंद केजरीवाल यांचा नवी दिल्ली विधानसभा मतदारसंघसुद्धा याच लोकसभा मतदारसंघात येतो.

(1 / 8)

New Delhi Loksabha constituency: नवी दिल्ली लोकसभा मतदारसंघात एकूण १० विधानसभा मतदारसंघांचा समावेश होतो. या मतदारसंघात एकूण१४.८ लाख मतदार असून मतदारांच्या संख्येनुसार हा दिल्लीतला सर्वात छोटा मतदारसंघ आहे. या मतदारसंघातून २०१४ आणि २०१९ साली मीनाक्षी लेखी भाजप खासदार म्हणून निवडून गेल्या आहेत. लेखी यांनी २०१४ साली 'आप' नेते, माजी पत्रकार आशिष खेतान आणि २०१९ साली कॉंग्रेसचे यांचा पराभव केला होता. परंतु भाजपने येथून माजी केंद्रीय मंत्री, दिवंगत सुषमा स्वराज यांची मुलगी बांसुरी स्वराज हिला उमेदवारी दिली आहे. बांसुरीचा सामना ‘आप’चे तीन वेळा आमदार असलेले सोमनाथ भारती यांच्याशी होणार आहे. सध्या जेलमध्ये असलेले दिल्लीचे मुख्यमंत्री अरविंद केजरीवाल यांचा नवी दिल्ली विधानसभा मतदारसंघसुद्धा याच लोकसभा मतदारसंघात येतो.

Delhi Lok Sabha Elections 2024: दिल्लीत एकूण १ कोटी ४७ लाख १८,११९ मतदार आहेत. २०१९ च्या लोकसभा निवडणुकीत दिल्लीमध्ये भाजप, आप आणि कॉंग्रेसदरम्यान तिरंगी लढत झाली होती. त्यात सर्व सातही जागा भाजपने जिंकल्या होत्या. यावेळी 'आप' हा ‘इंडिया’ आघाडीचा घटक आहे. त्यामुळे दिल्लीत सातपैकी चार जागा ‘आप’ तर तीन जागा कॉंग्रेस लढवत आहे. अरविंद केजरीवाल यांना २१ मार्च रोजी ईडीने अटक केली असून ते कारागृहात आहेत. ‘आप’ने केजरीवालांच्या अटकेचा मुद्दा प्रचारात आणला आहे. केजरीवाल यांची पत्नी सुनीता यांनी प्रचाराची धुरा खांद्यावर घेतली आहे. 'आप'कडून दिल्ली सरकारने शिक्षण, आरोग्य क्षेत्रात केलेल्या कामांचा उल्लेख केला जात आहे. दुसरीकडे भाजपने केजरावील सरकारमधील कथित 'भ्रष्टाचार'चा मुद्दा उचलून धरला आहे. कलम ३७० हटवणे, सीएए लागू करणे आणि राम मंदिराची उभारणी यासारख्या विषयांवर भाजप मते मागत आहे. दिल्लीत पाणीपुरवठा, गटार आणि अनधिकृत वसाहतींमधील पायाभूत सुविधांची खराब स्थिती हाही येथील प्रचाराचा मुद्दा आहे.

(2 / 8)

Delhi Lok Sabha Elections 2024: दिल्लीत एकूण १ कोटी ४७ लाख १८,११९ मतदार आहेत. २०१९ च्या लोकसभा निवडणुकीत दिल्लीमध्ये भाजप, आप आणि कॉंग्रेसदरम्यान तिरंगी लढत झाली होती. त्यात सर्व सातही जागा भाजपने जिंकल्या होत्या. यावेळी 'आप' हा ‘इंडिया’ आघाडीचा घटक आहे. त्यामुळे दिल्लीत सातपैकी चार जागा ‘आप’ तर तीन जागा कॉंग्रेस लढवत आहे. अरविंद केजरीवाल यांना २१ मार्च रोजी ईडीने अटक केली असून ते कारागृहात आहेत. ‘आप’ने केजरीवालांच्या अटकेचा मुद्दा प्रचारात आणला आहे. केजरीवाल यांची पत्नी सुनीता यांनी प्रचाराची धुरा खांद्यावर घेतली आहे. 'आप'कडून दिल्ली सरकारने शिक्षण, आरोग्य क्षेत्रात केलेल्या कामांचा उल्लेख केला जात आहे. दुसरीकडे भाजपने केजरावील सरकारमधील कथित 'भ्रष्टाचार'चा मुद्दा उचलून धरला आहे. कलम ३७० हटवणे, सीएए लागू करणे आणि राम मंदिराची उभारणी यासारख्या विषयांवर भाजप मते मागत आहे. दिल्लीत पाणीपुरवठा, गटार आणि अनधिकृत वसाहतींमधील पायाभूत सुविधांची खराब स्थिती हाही येथील प्रचाराचा मुद्दा आहे.

South Delhi Lok Sabha constituency: २०१९ च्या लोकसभा निवडणुकीत या मतदारसंघात भाजपचे रमेश बिधुरी, काँग्रेस उमेदवार, बॉक्सर विजेंदर सिंग आणि 'आप'चे नेते राघव चढ्ढा यांच्यात तिरंगी लढत झाली होऊन रमेश बिधुरी विजयी झाले होते. संसदेत वादग्रस्त वक्तव्यामुळे गाजलेले बिधुरी यांना भाजपने तिकीट नाकारून दिल्ली विधानसभेतील विरोधी पक्षनेते रामवीर सिंग बिधुरी यांना उमेदवारी दिली. तर ‘आप’ने तुगलकाबादचे आमदार सहीराम पहलवान यांना उमेदवारी दिली आहे.

(3 / 8)

South Delhi Lok Sabha constituency: २०१९ च्या लोकसभा निवडणुकीत या मतदारसंघात भाजपचे रमेश बिधुरी, काँग्रेस उमेदवार, बॉक्सर विजेंदर सिंग आणि 'आप'चे नेते राघव चढ्ढा यांच्यात तिरंगी लढत झाली होऊन रमेश बिधुरी विजयी झाले होते. संसदेत वादग्रस्त वक्तव्यामुळे गाजलेले बिधुरी यांना भाजपने तिकीट नाकारून दिल्ली विधानसभेतील विरोधी पक्षनेते रामवीर सिंग बिधुरी यांना उमेदवारी दिली. तर ‘आप’ने तुगलकाबादचे आमदार सहीराम पहलवान यांना उमेदवारी दिली आहे.

East Delhi Lok Sabha constituency : दिल्लीतून वाहणाऱ्या यमुना नदीच्या पूर्व किनाऱ्यावर असलेल्या या मतदारसंघातून २०१९ साली माजी क्रिकेटपटू गौतम गंभीर निवडून आला होता. यावेळी मात्र गंभीरने निवडणुकीतून माघार घेतल्याने भाजपने पूर्व दिल्ली महानगरपालिकेचे माजी महापौर हर्ष मल्होत्रा यांना उमेदवारी दिली आहे. मल्होत्रा यांची लढत आम आदमी पक्षाचे कुलदीप कुमार यांच्याशी होणार आहे. पूर्व दिल्ली मतदारसंघ हा दाटीवाटीची लोकवस्ती असलेला मतदारसंघ असून लक्ष्मीनगर, पडपडगंज, ओखलासारखे भाग या मतदारसंघांतर्गत येतात.

(4 / 8)

East Delhi Lok Sabha constituency : दिल्लीतून वाहणाऱ्या यमुना नदीच्या पूर्व किनाऱ्यावर असलेल्या या मतदारसंघातून २०१९ साली माजी क्रिकेटपटू गौतम गंभीर निवडून आला होता. यावेळी मात्र गंभीरने निवडणुकीतून माघार घेतल्याने भाजपने पूर्व दिल्ली महानगरपालिकेचे माजी महापौर हर्ष मल्होत्रा यांना उमेदवारी दिली आहे. मल्होत्रा यांची लढत आम आदमी पक्षाचे कुलदीप कुमार यांच्याशी होणार आहे. पूर्व दिल्ली मतदारसंघ हा दाटीवाटीची लोकवस्ती असलेला मतदारसंघ असून लक्ष्मीनगर, पडपडगंज, ओखलासारखे भाग या मतदारसंघांतर्गत येतात.

West Delhi Lok Sabha constituency: दिल्लीतला हा सर्वात मोठा मतदारसंघ असून येथे २४.९ लाख मतदार आहेत. या मतदारसंघात भाजपने उमेदवार बदलला असून दोन वेळा निवडून आलेले खासदार प्रवेश वर्मा यांच्याऐवजी दक्षिण दिल्लीच्या माजी महापौर कमलजीत सेहरावत यांना उमेदवारी दिली आहे. सेहरावत यांचा सामना आम आदमी पक्षाचे महाबळ मिश्रा यांच्याशी होणार आहे. मिश्रा यापूर्वी २००९ मध्ये काँग्रेसमध्ये असताना या मतदारसंघातून खासदार म्हणून निवडून आले होते.

(5 / 8)

West Delhi Lok Sabha constituency: दिल्लीतला हा सर्वात मोठा मतदारसंघ असून येथे २४.९ लाख मतदार आहेत. या मतदारसंघात भाजपने उमेदवार बदलला असून दोन वेळा निवडून आलेले खासदार प्रवेश वर्मा यांच्याऐवजी दक्षिण दिल्लीच्या माजी महापौर कमलजीत सेहरावत यांना उमेदवारी दिली आहे. सेहरावत यांचा सामना आम आदमी पक्षाचे महाबळ मिश्रा यांच्याशी होणार आहे. मिश्रा यापूर्वी २००९ मध्ये काँग्रेसमध्ये असताना या मतदारसंघातून खासदार म्हणून निवडून आले होते.

Chandni Chowk Lok Sabha constituency : आकारमानाच्या दृष्टिने चांदणी चौक लोकसभा मतदारसंघ हा दिल्लीतला सर्वात छोटा मतदारसंघ आहे. दिल्लीत सर्वाधिक छोटे मोठे व्यवसाय या भागात आहेत. त्यामुळे येथील लढत ही हाय प्रोफाइल मानली जाते. या लोकसभा मतदारसंघात एकूण सहा विधानसभा मतदारसंघांचा समावेश होतो. भाजप नेते, माजी केंद्रीय आरोग्यमंत्री हर्षवर्धन हे चांदनी चौक लोकसभेचे विद्यमान खासदार आहेत. सध्या त्यांनी राजकारणातून निवृत्ती जाहीर केल्यामुळे भाजपने उद्योगपती प्रवीण खंडेलवाल यांना उमेदवारी दिली आहे. काँग्रेसने माजी खासदार जय प्रकाश अग्रवाल यांना उमेदवारी दिली आहे. अग्रवाल यापूर्वी १९८४ आणि १९८९च्या लोकसभा निवडणुकीत चांदणी चौक मतदारसंघातून लोकसभेवर निवडून गेले होते. शिवाय २००९ साली अग्रवाल हे ईशान्य दिल्ली लोकसभा मतदारसंघातूनही खासदार म्हणून निवडून गेले होेते.

(6 / 8)

Chandni Chowk Lok Sabha constituency : आकारमानाच्या दृष्टिने चांदणी चौक लोकसभा मतदारसंघ हा दिल्लीतला सर्वात छोटा मतदारसंघ आहे. दिल्लीत सर्वाधिक छोटे मोठे व्यवसाय या भागात आहेत. त्यामुळे येथील लढत ही हाय प्रोफाइल मानली जाते. या लोकसभा मतदारसंघात एकूण सहा विधानसभा मतदारसंघांचा समावेश होतो. भाजप नेते, माजी केंद्रीय आरोग्यमंत्री हर्षवर्धन हे चांदनी चौक लोकसभेचे विद्यमान खासदार आहेत. सध्या त्यांनी राजकारणातून निवृत्ती जाहीर केल्यामुळे भाजपने उद्योगपती प्रवीण खंडेलवाल यांना उमेदवारी दिली आहे. काँग्रेसने माजी खासदार जय प्रकाश अग्रवाल यांना उमेदवारी दिली आहे. अग्रवाल यापूर्वी १९८४ आणि १९८९च्या लोकसभा निवडणुकीत चांदणी चौक मतदारसंघातून लोकसभेवर निवडून गेले होते. शिवाय २००९ साली अग्रवाल हे ईशान्य दिल्ली लोकसभा मतदारसंघातूनही खासदार म्हणून निवडून गेले होेते.

Nort East Delhi Lok Sabha constituency: ईशान्य दिल्लीतून काँग्रेस पक्षाने जेएनयू विद्यापीठातील विद्यार्थी संघटनेचा नेता कन्हैया कुमार याला उमेदवारी जाहीर केल्यानंतर या मतदारसंघाकडे सर्वांचे लक्ष वेधले गेले आहे. येथे कन्हैय्याचा सामना भाजपचे विद्यमान खासदार, प्रसिद्ध भोजपुरी अभिनेता मनोज तिवारी यांच्याशी आहे. या लोकसभा मतदारसंघात उत्तर प्रदेशच्या पूर्व भागातून आणि बिहारमधून आलेले नागरिक बहुसंख्येने राहतात. २०१९ च्या लोकसभा निवडणुकीत मनोज तिवारी यांनी दिल्लीच्या माजी मुख्यमंत्री शीला दीक्षित यांचा पराभव केला होता.

(7 / 8)

Nort East Delhi Lok Sabha constituency: ईशान्य दिल्लीतून काँग्रेस पक्षाने जेएनयू विद्यापीठातील विद्यार्थी संघटनेचा नेता कन्हैया कुमार याला उमेदवारी जाहीर केल्यानंतर या मतदारसंघाकडे सर्वांचे लक्ष वेधले गेले आहे. येथे कन्हैय्याचा सामना भाजपचे विद्यमान खासदार, प्रसिद्ध भोजपुरी अभिनेता मनोज तिवारी यांच्याशी आहे. या लोकसभा मतदारसंघात उत्तर प्रदेशच्या पूर्व भागातून आणि बिहारमधून आलेले नागरिक बहुसंख्येने राहतात. २०१९ च्या लोकसभा निवडणुकीत मनोज तिवारी यांनी दिल्लीच्या माजी मुख्यमंत्री शीला दीक्षित यांचा पराभव केला होता.

North West Delhi Lok Sabha constituency: अनुसूचित जातींसाठी राखीव असलेल्या उत्तर-पश्चिम दिल्ली लोकसभा मतदारसंघातून २०१९ साली प्रसिद्ध पंजाबी गायक हंस राज ‘हंस’ हे निवडून गेले होते. यावेळी भाजपने हंस यांना पंजाबमधील फरिदकोटमधून उमेदवारी दिली आहे. त्यामुळे यंदा भाजपने उत्तर-पश्चिम दिल्ली मतदारसंघातून उत्तर दिल्ली महानगरपालिकेचे माजी महापौर योगेंद्र चांदोलिया यांना निवडणुकीच्या रिंगणात उतरवले आहे. तर कॉंग्रेसने माजी आयआरएस अधिकारी, दलित नेते उदित राज यांना उमेदवारी दिली आहे. उदित राज २०१४ साली याच मतदारसंघातून भाजपच्या तिकिटावर विजयी झाले होते. २०१९ च्या निवडणुकीत भाजपने त्यांना लोकसभेची तिकीट नाकारल्यामुळे त्यांनी काँग्रेसमध्ये प्रवेश केला होता.

(8 / 8)

North West Delhi Lok Sabha constituency: अनुसूचित जातींसाठी राखीव असलेल्या उत्तर-पश्चिम दिल्ली लोकसभा मतदारसंघातून २०१९ साली प्रसिद्ध पंजाबी गायक हंस राज ‘हंस’ हे निवडून गेले होते. यावेळी भाजपने हंस यांना पंजाबमधील फरिदकोटमधून उमेदवारी दिली आहे. त्यामुळे यंदा भाजपने उत्तर-पश्चिम दिल्ली मतदारसंघातून उत्तर दिल्ली महानगरपालिकेचे माजी महापौर योगेंद्र चांदोलिया यांना निवडणुकीच्या रिंगणात उतरवले आहे. तर कॉंग्रेसने माजी आयआरएस अधिकारी, दलित नेते उदित राज यांना उमेदवारी दिली आहे. उदित राज २०१४ साली याच मतदारसंघातून भाजपच्या तिकिटावर विजयी झाले होते. २०१९ च्या निवडणुकीत भाजपने त्यांना लोकसभेची तिकीट नाकारल्यामुळे त्यांनी काँग्रेसमध्ये प्रवेश केला होता.

शेअर करा