नाईट क्लबमध्ये भीषण अग्निकांड; २९ जणांचा होरपळून मृत्यू अनेक गंभीर

तुर्कीमधील सर्वात मोठे शहर इस्तंबूलमधील एका नाईट क्लबमध्ये मोठी दुर्घटना घडली आहे. येथे नुतनीकरणाचे काम सुरू असताना लागलेल्या आगीत कमीत कमी २९ जणांचा होरपळून मृत्यू झाला आहे. त्याचबरोबर अनेक जण गंभाररित्या भाजले आहेत. याप्रकरणी क्लबच्या व्यवस्थापकासह पाच लोकांना ताब्यात घेण्यात आले आहे.

स्थानिक मीडियाने दिलेल्या माहितीनुसार गवर्नर ऑफिसकडून जारी करण्यात आलेल्या निवेदनानुसार एकाच व्यक्तीवर रुग्णालयात उपचार केले जात आहेत. मासक्वेरादे नाईट क्लब गेल्या अनेक दिवसांपासून बंद होता. इमारतीत रेनोव्हेशनचे काम केले जात होते. हा नाईट क्लब १६ मजली इमारतीच्या बेसमेंटमध्ये होता. गवर्नरने सांगितले की, आगीच्या कारणांचा शोध घेतला जात आहे. आगीत ज्या लोकांचा मृत्यू झाला आहे, त्यापैकी अधिकांश रेनोव्हेशन कामातील मजूर होते. 

Manmohan Singh: माजी पंतप्रधान मनमोहन सिंग ३३ वर्षानंतर राज्यसभेतून निवृत्त, ९ मंत्र्यांसह ५४ खासदारांचा कार्यकाळ समाप्त

न्याय मंत्री यिलमाज तंक यांनी सांगितले की, चौकशीसाठी पाच जणांना ताब्यात घेतले आहे. यामध्ये क्लबचा व्यवस्थापक व नुतनीकार्य प्रभारी व्यक्तीचा समावेश आहे. महापौर इकरेम इमामोगलू यांनी सांगितले की, सुरक्षेच्या दृष्टीकोनातून संपूर्ण इमारतीची पाहणी केली जात आहे. घटनास्थळी अग्निशमन व वैद्यकीय पथके दाखल झाली आहेत.