Bhiwandi Fire : भिवंडीत अग्नितांडव, यंत्रमाग कारखाना आगीत भस्मसात

भिवंडी : भिवंडीत येथे आग लागण्याच्या घटना सातत्याने घडत आहेत. येथील देवजीनगर परिसरात मध्यरात्रीच्या सुमारास ए.डी. टेक्सटाईल या यंत्रमाग कारखान्याला भीषण आग लागली असून या घटनेत संपूर्ण कारखाना हा भस्मसात झाला आहे. कारखान्यातील कच्चे कापड आणि यंत्रमाग साहित्य जळल्याने लाखो रुपयांचे नुकसान झाले आहे. नंतर आगीवर नियंत्रण मिळवण्यात यश

Pune bypoll election : कसब्याच्या किंग मेकरची मैदानात उडी; व्हीलचेअरवरून एन्ट्री घेत बापटांचा प्रचार सुरू

या घटनेचे वृत्त असे की, भिवंडी येथील औद्योगिक वसाहतीत ए.डी. टेक्सटाईल यंत्रमाग कारखाना आहे. या कारखान्याला मध्यरात्री अचानक आग लागली. आग नेमकी कशामुळे लागली याचे कारण समजू शकले नाही. हा परिसर गजबजला असल्याने ही आग उग्र रूप धारण करून पसरते की काय, अशी शक्यता होती. आगीचे लोळ दूर पर्यंत दिसत होते. 

Rohit Pawar : राज्यात पुन्हा मोठा राजकीय भूकंप? रोहित पवारांच्या 'या' विधानामुळे चर्चांना उधाण

या घटनेची माहिती मिळताच अग्निशामक दलाचे कर्मचारी घटनास्थळी दाखल झाले. भिवंडी अग्निशमन दलाच्या चार बंब हे घटनास्थळी दाखल झाले. त्यांनी आगीवर नियंत्रण मिळवण्यासाठी प्रयत्न सुरू केले. मात्र, आगीने उग्र रूप धारण केल्याने आगीवर नियंत्रण मिळवण्यात अपयश आले. तब्बल तीन तासाच्या अथक प्रयत्नानंतर आग आटोक्यात आली.