Kolhapur Accident : कोल्हापुरात एसटी बसने स्कुटीवरून निघालेल्या शिक्षिकेला चिरडलं; १०० फूट नेलं फरफरटत

राज्यात रस्ते अपघातात मृत्यू होणाऱ्यांची संख्या वाढत आहे. अशीच एक धक्कादायक घटना कोल्हापूर जिल्ह्यातील हातकणंगले तालुक्यात समोर आली आहे. हातकणंगले (Hatkanangale) तालुक्यातील संजय घोडावत विद्यापीठासमोर रस्ता क्रॉस करत असताना एसटी बसच्या धडकेत महिला ठार झाली. मृत महिला एका खासगी संस्थेत शिक्षिका होती. भरधाव एसटीने धडक दिल्यानंतर शिक्षिकेची स्कूटी जवळपास १०० फूट फरफटत नेली. 

महिला एका बाजुने रस्ता ओलांडत होती. यावेळी भरधाव आलेल्या बसची दुचाकीला जोरात धडक बसली. ही शिक्षिका एका खासगी शिक्षण संस्थेत कामाला होती.

Ajit Pawar : अजित पवारांची डोकेदुखी वाढणार! 'त्या' वक्तव्याची निवडणूक आयोग करणार चौकशी

एसटीच्या धडकेत कामगार ठार, एकजण जखमी -

कोल्हापूर रोडवर एएससी कॉलेज चौकात एसटीच्या धडकेत सेंट्रिंग कामगार जागीच ठार झाला,  तर आणखी एक कामगार गंभीर जखमी झाला आहे. विनायक नीलकंठ मट्टीकल्ली (वय ४०, रा. हनुमाननगर, इचलकरंजी) असे मृताचे नाव आहे. कृष्णात धोंडीबा रजपूत (वय ५५, रा. जवाहरनगर) या गंभीर जखमीचे नाव आहे. जखमीवर कोल्हापुरातील सीपीआर रुग्णालयात उपचार सुरू आहेत. 

Pune NIA Raid : पुण्यात कोंढव्यात ‘एनआयए’च्या पथकाचे छापे; दहशतवाद्यांनी वापरलेली वाहने केली जप्त

अपघातानंतर रुग्णवाहिका पोहोचण्यास विलंब झाल्याने अतिरक्तस्त्राव झाला. स्थानिक तरुणांनी दोन जखमींना आयजीएम रुग्णालयात दाखल केले. कृष्णात यांच्यावर प्राथमिक उपचार करून त्यांना कोल्हापुरातील सीपीआर रुग्णालयात हलविण्यात आले. अपघातानंतर मुख्य मार्गावरील वाहतूक ठप्प झाली होती. याप्रकरणी एसटी चालक सुनील गवळी यांच्या विरोधात पोलिसांनी गुन्हा दाखल केला आहे.

Mumbai Accident : मुंबईतील महालक्ष्मी मंदिराजवळ भीषण अपघात; भरधाव कारनं दोन अल्पवयीन मुलींना उडवलं!

मुंबईतील महालक्ष्मी मंदिराजवळ भीषण अपघात -

मुंबईतील महालक्ष्मी मंदिराजवळ शनिवारी (१९ एप्रिल २०२४) भीषण अपघात झाला. रस्ता ओलांडणाऱ्या दोन अल्पवयीन मुलींना भरधाव कारने उडवल्याची धक्कादायक घटना घडली. दोन्ही जखमी मुलींना नायर रुग्णालयात उपचारासाठी दाखल करण्यात आले आहे, त्यांच्या प्रकृतीबाबात अद्याप समजू शकलेली नाही.

संपूर्ण घटना सीसीटीव्ही कॅमेऱ्यात कैद झाली. सीसीटीव्ही फुटेजमध्ये दोन अल्पवयीन मुली रस्ता ओलांडताना दिसत आहेत. त्याच क्षणी एका भरधाव कारने त्यांना धडक दिली आणि दोन्ही मुली रस्त्यावर खाली पडण्यापूर्वी हवेत उंच फेकल्या गेल्या. यानंतर कार घटनास्थळवरून गायब होते. अपघातातील कार पिवळ्या रंगाची सेडान आहे. ऐशानी जाधव (वय, १४) आणि जान्हवी कनोजिया (वय, १४) अशी जखमी मुलींची नावे असून त्यांच्यावर रुग्णालयात उपचार सुरू आहेत.