Ajit Pawar :"टिल्ल्या लोकांनी सांगू नये, त्यांची उंची किती अन् झेप किती"; अजित पवारांचा टोला

Ajit Pawar on Nitesh Rane : हिवाळी अधिवेशनात छत्रपतींना धर्मवीर म्हणून नका ते स्वराज्य रक्षक होते, असे विधान अजित पवार यांनी केले होते. यावर भाजपने टीका केल्यानंतर आज अजित पवारांनी पत्रकार परिषद घेत स्पष्टीकरण दिले. छत्रपती संभाजी महाराज हे' स्वराज्य रक्षक' की धर्मवीर यावरून सुरू झालेल्या वादावर अजित पवारयांनी पुन्हा एकदा भूमिका मांडली आहे.' मी कुठलंही वादग्रस्त विधान केलेलं नाही.' स्वराज्यरक्षक' ही संकल्पना व्यापक, सर्वसमावेशक आणि छत्रपती संभाजी महाराजांच्या कार्यकर्तृत्वाला न्याय देणारी आहे, त्यामुळं त्यावर मी आजही ठाम आहे, असं अजित पवार यांनी म्हटलं आहे.

यावेळी अजित पवार यांनी भाजप आमदार नितेश राणे यांच्यावर पलटवार करताना म्हटले की, त्यांच्यावर आमच्या पक्षाचे प्रवक्ते बोलतील. भाजप आमदार नितेश राणे यांनी केलेल्या टीकेबाबत अजित पवार यांना पत्रकारांनी विचारल्यानंतर अजित पवार म्हणाले की,टिल्ल्या लोकांनी असलं काही सांगायचं कारण नाही, त्यांची उंची किती, त्यांची झेप किती? असे म्हणत त्यांच्या आरोपांना पक्षाचे प्रवक्ते उत्तर देतील असे पवार यांनी म्हटले. अशा लोकांच्याआपण नादाला लागत नसल्याचेअजित पवार यांनी आपल्या शैलीत म्हटले.

अजित पवार म्हणाले की, छत्रपती संभाजीराजेच्या स्मारकासाठी मी पाठपुरावा केला आहे. मी महापुरुषांबद्दल, स्त्रियांबद्दल कधीही चुकीचे बोललो नाही. मी माझ्या भूमिकेवर ठाम आहे असे अजित पवार यांनी आज पत्रकार परिषदेत म्हटले. भाजपने मला विरोधी पक्ष नेते पद दिलेले नाही त्यामुळे त्यांना राजीनामा मागण्याचा अधिकार नाही, असेही त्यांनी ठणकावले.