Milk Price: सर्वसामन्यांच्या खिशाला कात्री, दुधाच्या किंमतीत दोन रुपयांची वाढ; जाणून घ्या नवे दर

Milk Price Hike: महागाईची झळ सोसणाऱ्या सर्वसामन्य नागरिकांच्या खिशाला कात्री बसणार आहे. राज्यातील खासगी आणि सहकारी दूध संघांची शिखर संघटना असलेल्या महाराष्ट्र राज्य दूध व्यावसायिक संघटनेने आजपासून गायीच्या दुधाच्या किंमतीत वाढ करण्याचा निर्णय घेतला. महाराष्ट्र राज्य दूध व्यावसायिक संघटनेने प्रतिलीटर दुधाच्या किंमतीत दोन रुपयांनी वाढ केली आहे. स्पर्धेत टिकण्यासाठी दूधच्या किरकोळ विक्री दरात वाढ करण्यात आल्याचे हाराष्ट्र राज्य दूध व्यावसायिक संघटनेकडून स्पष्ट करण्यात आले आहे.

महाराष्ट्रातील प्रमुख २२ खासगी आणि सहकारी दूध संस्थांमध्ये बैठक पार पडली. या बैठकीत दूध खरेदी दर, दूध पिशवी पॅकिंग आणि आणि दुधाच्या वाहतुकी खर्चाबाबत चर्चा झाली.राज्यातील बाजारपेठेत परराज्यातील दूध संघांची विक्री वाढत आहे. त्यामुळे स्पर्धेत टिकण्यासाठी दूधच्या किरकोळ विक्री दरात दोन रुपयांनी वाढ करण्याचा निर्णय घेतला आहे. ही दरवाढ १ फेब्रुवारी म्हणजेच आजपासून लागू केली जाणार आहे. दरम्यान, काही दूध संस्थांनी ग्राहकांवर बोजा पडू नये म्हणून मुख्य वितरक आणि किरकोळ विक्रेत्यांचे कमिशन कमी करण्याचा निर्णय घेतला आहे. त्यामुळे काही दूध संस्थांचे विक्री मूल्य स्थिर राहण्याची शक्यता आहे.

Mumbai CNG Price: मुंबईतील वाहनचालकांना दिलासा; सीएनजीच्या दरात घट, मध्यरात्रीपासून नवे दर लागू

सध्या देशभरात दुधाची टंचाई आहे. दुधापासून तयार होणाऱ्या पावडर, बटर आणि इतर पदार्थाच्या किंमती वाढल्या आहेत. पावडर आणि बटरचे दर वाढल्याने दूध खरेदी दरातही वाढ होत आहे. याचपार्श्वभूमीवर राज्यातील आघाडीच्या सोनाई दूध संघाने २१ जानेवारीपासून गाय दूधात प्रतिलीटर एक रुपयांनी वाढ करण्याचा निर्णय घेतला होता.