Sangli News : सांभाळ करता येत नसल्याच्या नैराशेतून बापाने मुलीला विहिरीत ढकलले!

सांगली : चार वर्षांच्या दिव्यांग मुलीचा सांभाळ करता येत नसल्याने मुलीला विहिरीत फेकून तिची हत्या करण्यात आल्याची धक्कादायक घटना सांगली जिल्ह्यातील वाळवा तालुक्यातील कुरळपमध्ये घडली. या प्रकरणी मुलीच्या बापाला अटक करण्यात आली आहे.

अण्णापा कोळी असे या निर्दयी बापाचे नाव आहे. तर श्रीदेवी कोळी असे हत्या करण्यात आलेल्या दिव्यांग मुलीचे नाव आहे. पोलिसांनी दिलेल्या माहितीनुसार श्रीदेवी ही दिव्यांग होती. तिच्यावर कोळी कुटुंबीयांकडून औषध उपचार करण्यात येत होते. मात्र, ती बरी होत नव्हती. तसेच तिचा सांभाळ करणे देखील कोळी कुटुंबाला शक्य होत नव्हते. यामुळे श्रीदेवीच्या वडिलांना नैराश्य आले होते.

SSC Paper Leak : कसं होणार? महिला सुरक्षा रक्षकानं थेट वर्गात जाऊन प्रश्नपत्रिकेचे फोटो काढले!

अण्णाप्पा कोळी काही दिवसांपूर्वी दारू पिऊन घरी आला. यावेळी दारूच्या नशेत घराजवळ असणाऱ्या विहीरीत त्याने झोपली असलेल्या श्रीदेवी या आपल्या चार वर्षाच्या दिव्यांग मुलीला फेकून दिले. पाण्यात बुडल्याने तिचा मृत्यू झाला. दरम्यान, मुलगी बेपत्ता असल्याचा बनाव त्याने रचला. कोळी कुटुंबाने शोध सुरु केला असता घरा जवळ असलेल्या विहिरीमध्ये श्रीदेवीचा मृतदेह आढळला. याप्रकरणी पोलिसांनी अण्णाप्पा कोळीला ताब्यात घेऊन चौकशी केली असता, त्याने आपल्या मुलीला विहिरीत फेकून दिल्याची कबुली दिली. त्याला कुरळप पोलिसांनी अटक केली आहे.