आम्ही एकमेकांवर लाईन मारतोय, सध्या काहीही जमलेलं नाही; सेनेशी युतीनंतर प्रकाश आंबेडकरांचं वक्तव्य

Prakash Ambedkar on VBA And Shiv Sena Aliance In BMC : राज्यात सत्तांतर झाल्यानंतर वंचित बहुजन आघाडीनं आगामी मुंबई महापालिकेच्या निवडणुकीत शिवसेनेसोबत युती करण्याची घोषणा केली होती. त्यानंतर आता वंचितचे अध्यक्ष प्रकाश आंबेडकर यांच्या नव्या वक्तव्यामुळं वंचित-शिवसेनेतील युतीतील गोंधळ वाढण्याची शक्यता आहे. कारण आता शिवसेनेशी आमचं नातं अजून जुळलेलं नाही, आम्ही फक्त एकमेकांवर लाईन मारत असल्याचं वक्तव्य प्रकाश आंबेडकरांनी केलं आहे. त्यामुळं आता यावरून राजकीय चर्चांना उधाण आलं आहे.

नाशिकमध्ये आयोजित कार्यक्रमात बोलताना वंचितचे अध्यक्ष प्रकाश आंबेडकर म्हणाले की, अजून वंचित आणि शिवसेनेचं नातं जुळलेलं नाही. सध्या आम्ही फक्त एकमेकांवर लाईन मारतोय. नाशिक पदवीधर निवडणुकीत शिवसेनेनं आमचा पाठिंबा मागितलेला नाही. त्यामुळं वंचितचे नेते जुळलेले नाहीत. सध्या आम्ही एकमेकांना केवळ खाणाखुणा करत असल्याचं प्रकाश आंबेडकर म्हणाले. मुंबईच्या इंदु मिलमध्ये डॉ. बाबासाहेब आंबेडकर यांच्या स्मारकाबाबत मुख्यमंत्री एकनाथ शिंदे यांच्यासोबत चर्चा झाली असून यापुढे त्यांनी स्मारकाबाबत चर्चा करण्यासाठी बोलावलं तर निश्चित जाईल, असंही प्रकाश आंबेडकर म्हणाले. त्यामुळं आता वंचित आणि शिवसेनेच्या युतीबाबतचा संभ्रम वाढण्याची शक्यता आहे.

गुजरात दंगलीवरील बीबीसीचा माहितीपट यूट्यूब, ट्विटवरून ब्लॉक; मोदी सरकारच्या आदेशानंतर कारवाई

आम्हाला निवडणुकांत यश किंवा अपयश येत असलं तरी आमची लढाई ही नेहमीच धनशक्तीच्या विरोधात राहिलेली आहे. सध्या विधानपरिषदेसाठी अकोला, लातूर आणि नागपुरात वंचितसाठी पोषक वातावरण असून कोकणातही आम्हाला चांगलं यश मिळेल, असं म्हणत त्यांनी विधानपरिषदेच्या निवडणुकीबाबत भाष्य केलं आहे.

Umesh Yadav : क्रिकेटर उमेश यादवला गंडवलं, त्याच्याच मॅनेजरने हडपले ४४ लाख रूपये