Dhangar Morcha : अनुसूचित जमातीचा दर्जा द्या; धनगर समाजाचा तुळजापुरात विराट मोर्चा
Sep 18, 2023, 09:43 PM IST
Dhangar Morcha : धनगर समाजाला अनुसूचित जमाती प्रवर्गातून आरक्षण मिळावे, या मागणीसाठी तुळजापुरात भव्य मोर्चा काढण्यात आला.
DhangarMorcha : धनगर समाजाला अनुसूचित जमाती प्रवर्गातून आरक्षण मिळावे, या मागणीसाठी तुळजापुरात भव्य मोर्चा काढण्यात आला.
Dhangar Morcha : धनगर समाजाला अनुसूचित जमाती प्रवर्गातून आरक्षण मिळावे, या मागणीसाठी तुळजापुरात भव्य मोर्चा काढण्यात आला.
धाराशीव – मराठा आरक्षण व कुणबी प्रमाणपत्रावरून महाराष्ट्राचे राजकारण पेटलं असताना आता यामध्ये धनगर समाजानेही उडी घेतली आहे. धनगर समाजाला अनुसूचित जमाती (भटक्या) प्रवर्गाचा दर्जा बहाल करून तसे आरक्षण मिळावे, पुण्यश्लोक अहिल्यादेवी होळकर यांचे नळदुर्ग व तुळजापुरात स्मारक व्हावे, यासह विभिन्न मागण्यांसाठी धनगर समाजाच्यावतीने सोमवारी तुळजापूर शहरात विराट मोर्चा काढण्यात आला. जुना बसस्थानक चौकात तासभर रास्ता रोको आंदोलन करून विविध मागण्यांचे निवेदन तहसीलदारांना देण्यात आले.
शहरातील छत्रपती शिवाजी महाराज यांच्या पुतळ्यापासून मोर्चास सुरुवात झाली. त्यानंतर हा मोर्चा शहरातील डॉ. बाबासाहेब आंबेडकर चौक, दीपक चौक, भवानी रोड, महाद्वार रोड, आर्य चौक, कमान वेस, मंगळवार पेठ, तहसील कार्यालय, नगरपरिषद कार्यालय येथून येऊन जुना बसस्थानक चौकात आला व तेथे आंदोलनकर्त्यांनी रस्ता रोको आंदोलन केले. डोक्यावर पिवळी टोपी घालून धनगर समाजबांधव मोर्चात सहभागी झाले होते. दरम्यान धनगर समाजाला अनुसूचित जातीचे आरक्षण द्या, पुण्यश्लोक अहिल्यादेवी होळकर यांचे स्मारक तुळजापूर व नळदुर्ग शहरात उभारावे, या प्रमुख मागण्यांचे निवेदन तहसीलदारांमार्फत मुख्यमंत्र्यांना पाठविण्यात आले
मोर्चात आमदार राणाजगजितसिंह पाटील सहभागी झाले होते. धनगर समाजाला आरक्षण मिळाले पाहिजे. तुळजापुरात पुण्यश्लोक अहिल्यादेवी होळकर यांच्या स्मारकासाठी छत्रपती शिवाजी महाराज चौक येथे जागा उपलब्ध करून पुतळा उभारला जाईल. त्यासाठी ५० लाखांचा निधी देण्याचा शब्द आमदार राणा जगजितसिंह पाटील यांनी दिला.
विभाग