Pune Accident: लोणी स्टेशन येथे अपघातात दोन शाळेकरी बहिणींचा मृत्यू

पुणे : पुण्यात सोलापूर मार्गावर कदमवाकवस्ती येथे लोणी स्टेशन चौकात शाळेत जाणाऱ्या दोन बहिणींच्या दुचाकीला कंटेनरने धडक दिल्याने त्यांचा मृत्यू झाला. हा अपघात आज सकाळी सातच्या सुमारास घडला.

छकुली कुमार शीतोळे (वय १७), राजश्री कुमार शीतोळे (वय १०, दोघेही, रा. कावडीपाट, कदमवाकवस्ती (ता. हवेली) अशी मृत्यू झालेल्या दोन बहीणींची नावे आहेत. पोलिसांनी दिलेल्या माहितीनुसार छकुली ही ११ वीला शिकते. टर राजश्री ही ६ वीत शिकत आहे. या दोघेही शनिवारी सकाळी नेहमी प्रमाणे सकाळी शाळेत जात होत्या. त्या येथील पृथ्वीराज कपूर मेमोरियल हायस्कूल येथे जात असतांना लोणी स्टेशन चौकात त्यांच्या दुचकीला कंटेनरने धडक दिली. यामुळे दोघी या कंटेनर खाली चिरडल्या गेल्याने दोघींचाही जागेवरच मृत्यू झाला.

पोलिसांनी घटनास्थळी येत पंचनामा केला आहे. घटनेनंतर कंटेनर चालक हा फरार झाला आहे. या दोघींच्या मृत्यूमुळे कदमवाकवस्ती गावावर शोक कळा पसरली आहे.