Balasaheb Thorat : नागपुरात मॉर्निंग वॉक करताना बाळासाहेब थोरात पडले, अधिवेशन सोडून मुंबईला परतणार

Nagpur Winter Session : राज्य विधीमंडळाचे हिवाळी अधिवेशन नागपूरमध्ये सुरू आहे. राज्यातील विविध राजकीय मुद्द्यांवरून सत्ताधारी व विरोधकांमध्ये संघर्ष पेटला असतानाच काँग्रेसची चिंता वाढवणारी बातमी समोर आली आहे. काँग्रेस विधीमंडळ पक्षाचे नेते बाळासाहेब थोरात हे मॉर्निंग वॉक करताना पडले असून त्यांच्या खांद्याला दुखापत झाली आहे. त्यामुळं ते अधिवेशन अर्धवट सोडून मुंबईला परतणार आहेत.

बाळासाहेब थोरात यांनी स्वत: ट्वीट करून ही माहिती दिली आहे. ‘आज सकाळी नागपूरच्या सेमिनरी हिल इथं मॉर्निंग वॉक करताना पडल्यामुळं माझ्या खांद्याला दुखापत झाली आहे. मी नागपूर इथं प्राथमिक उपचार घेतले आहेत. माझी तब्येत पूर्णपणे बरी असून काळजी करण्याचं कारण नाही. फॅमिली डॉक्टरच्या सल्ल्यानं मी पुढील उपचार मुंबईत घेणार आहे, असं त्यांनी ट्वीटमध्ये म्हटलं आहे.

Sharad Pawar : गिरीश बापट यांच्या प्रकृतीची विचारपूस करण्यासाठी शरद पवार थेट पोहोचले रुग्णालयात

सूत्रांनी दिलेल्या माहितीनुसार, थोरात यांच्या डाव्या खांद्याला दुखापत झाली आहे. मेयो रुग्णालयात त्यांच्यावर प्राथमिक उपचार करण्यात आले आहेत. ही दुखापत गंभीर असून शस्त्रक्रियेची गरज भासणार आहे. त्यामुळं थोरात यांना आज दुपारी तातडीनं विशेष विमानानं मुंबईला आणलं जाणार आहे.