Ganesh Nagar Karkhana : गणेशनगर कारखान्याच्या निवडणुकीत विखे पाटलांना मोठा धक्का, थोरातांच्या पॅनलची जोरदार मुसंडी

Ganesh Nagar Sahakari Sakhar Karkhana Election 2023 : अहमदनगर जिल्ह्यातील गणेशनगर सहकारी साखर कारखान्याच्या निवडणुकीत भाजपा नेते आणि महसूलमंत्री राधाकृष्ण विखे पाटलांना मोठा धक्का बसला आहे. कारण काँग्रेसचे नेते बाळासाहेब थोरात आणि विवेक कोल्हे यांच्या पॅनलने जोरदार मुसंडी मारत सत्तेकडे वाटचाल सुरू केली आहे. काँग्रेसचे तब्बल १८ उमेदवार आघाडीवर असून विखे गटाचा केवळ एक उमेदवार विजयी झाल्याची माहिती आहे. त्यामुळं आता नगरमध्ये भाजपाच्या अडचणी वाढण्याची शक्यता आहे. राज्यात सत्तांतर झाल्यानंतर विखे आणि थोरात यांच्यातील वाद चांगलाच पेटला होता.

अहमदनगर जिल्ह्यातील कट्टर राजकीय वैरी असलेले महसूलमंत्री राधाकृष्ण विखे पाटील आणि काँग्रेस नेते बाळासाहेब थोरात हे गणेशनगर कारखान्याच्या निवडणुकीत आमने-सामने आले होते. बाळासाहेब थोरात यांनी संजीवनी सहकारी साखर कारखान्याचे चेयरमन विवेक कोल्हे यांच्याशी युती केली होती. याशिवाय राधाकृष्ण विखे यांनी देखील निवडणुकीत विजय मिळवण्यासाठी जोरदार ताकद लावली होती. परंतु या निवडणुकीचे निकाल हाती येत असून विखे गटाचा एक उमेदवार विजयी झाला आहे. तर थोरात आणि कोल्हे गटाचे १८ उमेदवार आघाडीवर आहे.

Vaidyanath Karkhana Election : वैद्यनाथ साखर कारखान्यात मुंडे बहीण-भाऊ एकत्र; परळीत भाजप अन् राष्ट्रवादीचा नवा पॅटर्न

महाराष्ट्रात महाविकास आघाडीचं सरकार असताना काँग्रेसचे नेते बाळासाहेब थोरात हे महसूलमंत्री होते. राज्यात सत्तांतर झाल्यानंतर राधाकृष्ण विखे पाटील हे महसूलमंत्री झाले. त्यानंतर दोन्ही नेत्यांनी महसूल खात्यातील गैरव्यवहारांवरून गंभीर आरोप केले होते. त्यानंतर गणेशनगरची निवडणूक दोन्ही नेत्यांसाठी प्रतिष्ठेची झाली होती. परंतु आता काँग्रेस नेते बाळासाहेब थोरात यांनी विवेक कोल्हेंना सोबत घेत विखेंच्या पॅनलचा धुव्वा उडवला आहे.

Manipur Violence : मोदींची 'मन की बात' सुरू असताना मणिपूरमध्ये लोकांनी रेडिओ फोडले...