Banda News : आरती करताना करंट लागल्याने कंडक्टरचा दुर्दैवी मृत्यू, गणेशोत्सवाच्या तोंडावर कोकणात शोककळा

Banda Sindhudurg Konkan News : उद्यापासून राज्यातील अनेक शहरांमध्ये गणेशोत्सव साजरा केला जाणार आहे. कोकणातील अनेक ठिकाणी लोकांनी आजच गणपतीच्या मूर्तीची प्रतिष्ठापना करण्यास सुरुवात केली आहे. परंतु आता राज्यातील गणेशभक्तांच्या काळजाचा ढोका चुकवणारी बातमी समोर आली आहे. गणपतीची पूजा करत असताना वीजेचा शॉक लागल्याने एका भाविकाचा मृत्यू झाला आहे. सिंधुदुर्ग जिल्ह्यातील बांदा तालुक्यातल्या सरमळे-देऊळवाडीत ही घटना घडली आहे. रमाकांत शिवराम परब असं मृत्यमुखी पडलेल्या भाविकाचं नाव आहे.

मिळालेल्या माहितीनुसार, रविवारी सकाळी नऊ वाजेच्या सुमारास रमाकांत शिवराम परब हे आपल्या राहत्या घरी गणपतीची पूजा करत होते. त्यावेळी टेबलावरील वायरला त्यांचा धक्का लागला. त्यामुळं वीजेचा शॉक लागल्याने रमाकांत हे खालीच कोसळले. त्यानंतर त्यांना उपचारासाठी रुग्णालयात दाखल करण्यात आलं. परंतु तोपर्यंत त्यांचा मृत्यू झालेला होता. रमाकांत परब हे एका खाजगी बसमध्ये वाहकाचं काम करत असल्याची माहिती देण्यात आली आहे. त्यामुळं आता कोकणात हळहळ व्यक्त करण्यात येत आहे.

Bachchu Kadu : ‘आजकाल हिजडे सुद्धा आमदार होतात’, वादग्रस्त वक्तव्यानंतर बच्चू कडूंची माफी

सिंधुदुर्ग, रायगड आणि रत्नागिरी जिल्ह्यात दरवर्षी गणेशोत्सवाचा मोठा उत्साह आणि जल्लोष पाहायला मिळत असतो. मुंबईसह पुण्यात नोकरी करणारे चाकरमानी गणेशोत्सवासाठी कोकणातल्या घरी येत असतात. परंतु गणपतीची आरती करत असताना कोकणातील भाविकाचा मृत्यू झाल्याने सिंधुदुर्ग जिल्ह्यात हळहळ व्यक्त करण्यात येत आहे. त्यामुळं आता गणपतीचा सण साजरा करताना भाविकांनी काळजी घेण्याचं आवाहन करण्यात येत आहे.

Ganesh festival : रेल्वेच्या ढिसाळ कारभारामुळे कोकणात जाणाऱ्या चाकरमान्यांचे हाल; मुंबईत रेल्वे स्थानकावर तोबा गर्दी