Bachchu Kadu: न्यायालयाने दोन वर्षांची शिक्षा सुनावल्यानंतर बच्चू कडूंची प्रतिक्रिया

Bachchu Kadu: नाशिक व जिल्हा सत्र न्यायालयाने आमदार बच्चू कडूंना दोन वर्षांची शिक्षा सुनावली आहे. शासकीय कामात अडथळा आणि सरकारी अधिकाऱ्यांवर हात उगरणे आमदार बच्चू कडूंना अंगलट आले आहे. न्यायालयाच्या निर्णयानंतर बच्चू कडू यांनी पहिली प्रतिक्रिया दिली आहे. त्यांनी पोलिसांच्या तपासावर प्रश्नचिन्ह उपस्थित केलं आहे.

"दिव्यांग बांधवांनी २०१७ मध्ये नाशिक आयुक्त कार्यालयात दोन आंदोलनं केली होती. दिव्यांग कल्याण निधी तीन-तीन वर्ष खर्च केला जात नसल्याचा आम्हाला फोन आला. त्यानंतर मी आयुक्तांना दोन पत्र लिहिली. या पत्राला आयुक्तांनी उत्तर दिले नाही. सामन्य माणसाचा अधिकार खड्यात घालत आयुक्तांनी कायद्याची ‘ऐशी की तैशी’ केली”, असे बच्चू कडू म्हणाले.

पुढे बच्चू कडू म्हणाले की, "पत्र दिल्यानंतरही उत्तर न मिळाल्याने आम्ही आंदोलन करण्यासाठी गेलो. मौज मजा करायला गेलो नव्हतो. ज्यांना हात-पाय, डोळे नाहीत, अशा दिव्यांग बांधवांच्या हक्काचा निधी हे अधिकारी खर्च करत नाहीत, म्हणून आम्हाला आंदोलन करावे लागले. मात्र, आंदोलन केले म्हणून आम्हालाच शिक्षा सुनावली. याउलट आमच्यावर आंदोलन करण्याची वेळ का आली? याची चौकशी करायला हवी. मात्र, याकडे दुर्लक्ष करण्यात आले."

Uddhav Thackeray : ठाकरेंची शिवसेना भाजपसोबत जाणार?, उद्धव ठाकरेंचं एका वाक्यात स्पष्ट उत्तर

नाशिक आयुक्तांवर हात उगारल्या प्रकरणी बच्चू कडू यांना दोन वेगवेगळ्या प्रकारणात ही दोन वर्षाची शिक्षा सुनावली आहे. दरम्यान, २०१७ मध्ये अंपगाच्या मागण्यांसाठी नाशिक महापालिकेत आंदोलन सुरु केले. त्यावेळी बच्चू कडू यांनी महापालिका आयुक्तांना मारहाण केल्याप्रकरणी स्थानिक पोलीस ठाण्यात गुन्हा दाखल करण्यात आला. यापूर्वी २०१४ मध्ये बच्चू कडू यांना अचलपूरचे आमदार म्हणून निवडून आल्याच्या तक्रारीत दोषी ठरवले होते. याप्रकरणात बच्चू कडू यांनना दोन महिन्यांचा साधा कारावास आणि २५ हजार रुपयांचा दंड ठोठावला होता. अमरावती जिल्ह्यातील चांदूरबाजार न्यायालयाने हा निकाल दिला होता.