Pune Rapido Services : पुण्यातील रॅपिडोची सेवा तातडीनं बंद करा; मुंबई उच्च न्यायालयाचे आदेश

Rapido Services Ban In Pune city : अनेक शहरांमध्ये बाईक आणि टॅक्सीची सेवा देणाऱ्या रॅपिडो कंपनीला मुंबई हायकोर्टानं मोठा दणका दिला आहे. आजपासून पुणे शहरातील रॅपिडोची सेवा तात्काळ बंद करण्याचे आदेश हायकोर्टानं काढले आहेत. त्यानंतर आता रॅपिडो कंपनीकडून महाराष्ट्रातील सर्व शहरांमधील सेवा बंद केली जाणार असल्याची माहिती समोर येत आहे. पुण्यात रॅपिडो कंपनीविरोधात गेल्या अनेक दिवसांपासून रिक्षाचालक आंदोलन करत असून त्यातच आता हायकोर्टानं रॅपिडोची सेवा बंद करण्याचा आदेश काढल्यानं रिक्षाचालकांच्या आंदोलनाला मोठं यश आलं आहे.

पुण्यात रॅपिडोची सेवा बंद करण्याच्या मागणीसाठी अनेक भागांतील रिक्षाचालकांनी आंदोलन केलं होतं. त्यानंतर उच्चशिक्षण मंत्री आणि पुण्याचे पालकमंत्री चंद्रकांत पाटील यांनी शहरातील रॅपिडोची सेवेला तात्पुरत्या स्वरुपात स्थगित करण्याचा निर्णय घेतला होता. परंतु त्यानंतरही शहरातील अनेक भागांमध्ये रॅपिडोची सेवा सुरुच असल्याचा आरोप करत रिक्षाचालकांच्या संघटनांनी हायकोर्टात धाव घेतली होती. त्यानंतर आता कोर्टानं शहरातील रॅपिडोची सेवा बंद करण्याचे आदेश जारी केले आहेत. त्यानंतर आता शहरातील नागरिकांनी दुचाकी आणि तीन चाकी टॅक्सीचा वापर न करण्याचं आवाहन आरटीओकडून करण्यात आलं आहे. याशिवाय रॅपिडोचा वापर करून त्याद्वारे प्रवास न करण्याचा आदेश पुण्याच्या जिल्हाधिकाऱ्यांनी काढला आहे.

Graduate Election : कुठलेही देव आणि महापुरुष पदवीधर नाहीत; चंद्रकांत पाटलांचं वादग्रस्त वक्तव्य

परवाना नसतानाही कंपनीकडून सुरू होती सेवा....

बाईक आणि टॅक्सीची सेवा पुरवण्याचा परवाना रॅपिडो कंपनीकडे नव्हता. याशिवाय वाहतुकीसह डिलिव्हरीचंही लायसन्स रॅपिडोकडे नसल्याचं निदर्शनास आल्यानंतर कोर्टानं कंपनीच्या सर्व सेवांवर बंदी घातली आहे. त्यानंतर आता रॅपिडो कंपनीविरोधात दाखल करण्यात आलेल्या गुन्ह्यात बंडगार्डन पोलिसांनी कलमवाढ केली आहे. याशिवाय पुण्यातील अनेक भागात रॅपिडो कंपनीच्या मूळ मालकाविरोधात गुन्हे दाखल करण्यात आले आहेत.

Nana Patole : थोरातांचे भाचे सत्यजीत तांबे यांच्या विरोधात नाना पटोलेंनी दंड थोपटले! म्हणाले…