Marine Drive Mumbai : मुंबईकरांसाठी आनंदाची बातमी, मरीन ड्राईव्हबाबत पालिकेचा मोठा निर्णय

marine drive beautification news : भारतासह जगभरात प्रसिद्ध असलेल्या मुंबईतील मरीन ड्राईव्ह बाबत मुंबई महापालिकेने मोठा निर्णय घेत पर्यटकांना दिलासा दिला आहे. मरीन ड्राइव्ह, फ्लोरा फाऊंटन आणि एशियाटिक लायब्ररी परिसराचा विकास तसेच सुशोभिकरण करण्याचा निर्णय मुंबई महापालिकेने घेतला आहे. हेरिटेज विकास करण्यासाठी पालिकेने व्यवस्थापन सल्लागार संस्था आणि प्रकल्प सल्लागारांच्या नेमणुकीसाठी प्रस्ताव मागवले आहे. त्यामुळं आता मुंबईतील प्रसिद्ध मरीन ड्राईव्हचा येत्या काही दिवसांत नव्याने विकास केला जाणार आहे. देशी तसेच विदेशी पर्यटकांची संख्या वाढवणं हा यामागचा हेतू असल्याचं सांगण्यात येत आहे.

मुख्यमंत्री एकनाथ शिंदे यांनी मरीन ड्राईव्ह परिसराचा काही महिन्यांपूर्वी दौरा केला होता. त्यावेळी नागरी सुविधा, पायाभूत सुविधा, स्वच्छता आणि सुशोभिकरणाच्या कामाचा मुख्यमंत्र्यांनी आढावा घेतला होता. त्यानंतर मुख्यमंत्री एकनाथ शिंदे यांनी समुद्राच्या दिशेकडील इमारतींना विशिष्ट प्रकारची रंगरंगोटी करावी. प्रसाधनगृहे, स्वच्छतेची काळजी घेत आंतरराष्ट्रीय दर्जाचा लेझर शो सुरू करण्याच्या सूचना बीएमसीला केल्या होत्या. परंतु आता मुख्यमंत्र्यांच्या आढावा बैठकीनंतर मरीन ड्राईव्ह परिसराचं सुशोभिकरण करण्याचा निर्णय मुंबई महापालिकेकडून घेण्यात आला आहे.

Marathwada Cabinet Meeting : दुष्काळाच्या सावटाखाली आज कॅबिनेट बैठक; मराठवाड्याला काय मिळणार?

महापालिकेकडून मरीन ड्राईव्ह परिसरात सी साईड प्लाझा या नव्या पर्यटनस्थळाचं निर्माण करण्यात येणार आहे. ५३ मीटर लांब आणि ५ मीटर रुंद अशा जागेत व्ह्युविंग डेकची निर्मिती केली जाणार आहे. नागरिकांना समुद्र पाहण्यासाठी आणि चालण्यासाठी जेट्टीच्या ठिकाणी तयार करण्यात येणार असल्याचं पालिकेच्या अधिकाऱ्यांकडून सांगण्यात आलं आहे. त्यामुळं आता मरीन ड्राईव्हचा विकास झाल्यास मुंबईत येणाऱ्या देशी-विदेशी पर्यटकांची संख्या वाढण्याची शक्यता वर्तवण्यात येत आहे.

VIDEO: टीव्हीच्या LIVE कार्यक्रमात महिला पत्रकाराचा विनयभंग करणाऱ्या ‘त्या’ तरुणाला अटक