Aaditya Thackeray : चिन्ह आणि पक्षाचं नाव गेल्यानंतर आदित्य ठाकरेंची प्रतिक्रिया..

गेल्या काही महिन्यापासून शिवसेनेतील ठाकरे गट व शिंदे गटामध्ये धनुष्यबाण व शिवसेना पक्ष कोणाचा, यावरून संघर्ष सुरू होता. महाराष्ट्रातील सत्तासंघर्षावरील सुनावणी सर्वोच्च न्यायालयात प्रलंबित असताना निवडणूक आयोगाने मोठा निर्णय घेत शिवसेना हे नाव आणि धनुष्यबाण चिन्ह एकनाथ शिंदे गटालादिले आहे. त्यामुळे ठाकरे गटात मोठी खळबळ माजली आहे. त्यानंतर उद्धव ठाकरे यांनी पत्रकार परिषद घेत याप्रकरणी आपली भूमिका शिवसैनिकांनसमोर मांडली.

उद्धव ठाकरे हे शिवसैनिकांना धीर देत होते. त्यावेळी त्यांच्या बाजुला बसलेले आमदार आदित्य ठाकरे भावूक झालेले दिसत होते. त्यांची अवस्थता स्पष्ट दिसत होती. त्यांचे डोळेही पाण्याने डबडबलेले दिसत होते.

शिवसेना युवासेना प्रमुखआमदार आदित्य ठाकरे यांनी ट्विटरवर हिंदुहृदयसम्राट शिवसेनाप्रमुख बाळासाहेब ठाकरे यांच्यासोबतचा एक जुना फोटो शेअर करत आपल्या भावना व्यक्त केल्या आहेत. त्या फोटोवर शिवसैनिकांच्या मोठ्या प्रमाणात प्रतिक्रिया येतआहेत. शिवसैनिक शिवसेना पक्षप्रमुख उद्धव ठाकरे व शिवसेना नेते आदित्य ठाकरे यांना पाठिंबाव्यक्त करत असल्याच्या कमेंट करत आहेत.

उद्धव ठाकरे यांनी पत्रकार परिषदेतआपली बाजू मांडली. यावेळी त्यांनी शिंदे गट,देवेंद्र फडणवीस, मोदी तसेचभाजपवर सडकूनटीका केली. तसेच,आम्ही लढत राहू आम्ही खचलेलो नाही आणि खचणार ही नाही असं सांगून आपल्या शिवसैनिकांना धीर दिला. त्यावेळी तेव्हा त्यांच्या बाजूला त्यांचे पुत्र आणि आमदार आदित्य ठाकरे हे बसलेले होते. मात्र ते शांत होते अस्वस्थ होते.