Navratri 2022 Diet Plan: नवरात्रीचे नऊ दिवस उपवास करणार असाल तर आहारात ‘या' गोष्टींचा समावेश करा!

नवरात्रीमध्ये काही लोक संपूर्ण नऊ दिवस उपवास करतात. देवीची पूजा करणारे लोक उपवासाचे वेगवेगळे नियम पाळतात. यावर्षी शारदीय नवरात्रीला २६ सप्टेंबरपासून सुरुवात होत आहे. उपवास तेही सलग ९ दिवस म्हणजे शरीरातील ताकद कमी होणारच. अशावेळी शरीराची काळजी घेणे गरजेचे आहे. भक्तीसोबतच वजन कमी करायचे असेल तरही आहाराची काळजी घ्यावी लागेल. येथे काही गोष्टी आहेत ज्या तुम्ही तुमच्या आहारात समाविष्ट कराव्यात, ज्यामुळे वजनही कमी होईल आणि प्रतिकारशक्ती वाढेल.

१) नारळ पाणी

नारळाच्या पाण्यात कार्बोहायड्रेट, प्रथिने, कोलेस्ट्रॉल, आहारातील फायबर, फोलेट, नियासिन, पॅन्टोथेनिक ऍसिड, पायरीडॉक्सिन, रिबोफ्लेविन, थायामिन, व्हिटॅमिन-सी, व्हिटॅमिन-ए, व्हिटॅमिन-ई, व्हिटॅमिन-के असतात. तुम्ही दिवसभरात एक ते दोन नारळ पाणी पिऊ शकता. यामुळे तुमच्या शरीरात पाण्याची कमतरता भासणार नाही आणि तुमची रोगप्रतिकारशक्तीही वाढेल.

(Navratri Home Decor Tips: नवरात्रीत घर सजवण्यासाठी 'या' सोप्या टिप्स करा फॉलो)

२) भिजवलेले ड्रायफ्रुट्स

उपवास करताना तुम्ही नाश्त्यात भिजवलेले ड्रायफ्रूट्स खाऊ शकता. ते खाल्ल्याने तुम्हाला अनेक पोषक तत्वे मिळतील आणि त्यामुळे अशक्तपणा दूर होईल. सुका मेवा रात्री भिजवून त्यांचा आहारात समावेश करावा.

(Navratri 2022: उपवासाच्या काळात ट्राय करा अरबी पासून बनवता येतील अशा 'या' पाच रेसिपी!)

३) पपई

उपवास करताना अनेकदा पोट साफ न झाल्यामुळे त्रास होतो. अशा स्थितीत उपवासाच्या वेळी पपई खावी. पपईमध्ये व्हिटॅमिन सी भरपूर प्रमाणात असते. यामुळे तुमचे पोट स्वच्छ राहील आणि उपवास सोडल्यावर अन्नातून विषबाधा होण्याचा धोकाही दूर होईल.

(Navratri Vrat Recipe: नवरात्रीत बनवा मसालेदार साबुदाणा वडा! नोट करा चविष्ट रेसिपी)

४) दूध

दुधात प्रथिने, कॅल्शियम आणि रिबोफ्लेव्हिनेज असतात. दूध प्यायल्याने तुम्हाला पूर्ण पोषण मिळते आणि ते प्यायल्यानंतर तुम्हाला भूकही लागत नाही.