Destination Wedding: भारतातील ही ठिकाणं डेस्टिनेशन वेडिंगसाठी आहेत योग्य! कमी बजेटमध्ये करा प्लॅनिंग

गेल्या काही वर्षांत डेस्टिनेशन वेडिंग खूप लोकप्रिय होत आहेत. गेल्या काही वर्षांत डेस्टिनेशन वेडिंग हा ट्रेंड बनला आहे. काही लोक परदेशात जाऊन डेस्टिनेशन वेडिंगचे स्वप्न पूर्ण करतात, तर काही भारतात लग्न करून आनंदी होतात. यापैकी बहुतेक वेडिंग डेस्टिनेशन खूप महाग आहेत.परंतु आज आम्ही तुम्हाला भारतातील लो बजेट डेस्टिनेशन वेडिंग ठिकाणांबद्दल सांगणार आहोत. जी मध्यमवर्गीय कुटुंबाला सहज परवडतील. चला जाणून घेऊयात भारतातील सर्वोत्तम आणि कमी बजेट डेस्टिनेशन वेडिंग ठिकाणांबद्दल...

गोवा

तुमचे बीच डेस्टिनेशन वेडिंगचे स्वप्न साकार करण्यासाठी प्रसिद्ध असलेल्या गोव्यात तुमच्या बजेटमध्ये लग्न करता येईल. गोव्यात अनेक उत्तम ठिकाणे आहेत. ऑफ सीझनमध्ये लग्नाचे नियोजन केल्याने तुम्हाला चांगल्या डील्स मिळू शकतात. तुम्ही १० ते १५ लाखांमध्ये लग्नाचा प्लॅन करू शकता.

(Travel Tips: भारतातील 'या' ५ बेटांचे सौंदर्य पाहून तुम्ही परदेशात जायचे विसरून जाल!)

उदयपूर

भव्य राजवाडे आणि मोठ्या किल्ल्यांमध्ये लग्न करायचे असेल तर उदयपूरपेक्षा चांगले दुसरे काहीही असू शकत नाही. शाही विवाहासाठी उदयपूर हे योग्य ठिकाण असू शकते. येथे तुम्ही १२ लाख रुपयांमध्ये लग्न करू शकता.

(Food and Travel: 'ही' शहरं केवळ फिरण्यासाठीच नव्हे तर, त्याच्या खाद्यपदार्थांमुळेही आहेत प्रसिद्ध)

महाबळेश्वर

महाराष्ट्रातील महाबळेश्वर हे वेडिंग डेस्टिनेशनसाठी योग्य ठिकाण आहे. या ठिकाणी लग्न करण्याचा विचारही योग्य ठरेल. तिथल्या सुंदर वातावरणचा केवळ वधू-वरच नाही तर पाहुणे देखील पूर्ण आनंद घेऊ शकतील.

(Travel: भारतातील 'या' सुंदर ठिकाणांना ५ हजारांच्या बजेटमध्ये देऊ शकता भेट!)

जिम कॉर्बेट

जिम कॉर्बेट हे उत्तर भारतातील सर्वात प्रसिद्ध वेडिंग डेस्टिनेशन बनले आहे. ज्या जोडप्यांना निसर्गाच्या कुशीत सात फेरे घ्यायचे आहेत त्यांच्यासाठी हा एक उत्तम पर्याय ठरू शकतो. येथे तुम्ही १५ लाख रुपयांमध्ये लग्न करू शकता.