शुगरची चिंता सोडा अन् अंजीर टाकून बनवा रव्याचा शिरा

असं म्हणतात की, जी गोष्ट खाण्यापासून रोखली जाते किंवा जे काम करायला मनाई आहे, अनेकदा ते काम करण्यासाठी मन जास्त करते. गोड आरोग्यासाठी हानिकारक आहे पण तरीही लोकांना ते खायला खूप आवडते. अशा परिस्थितीत आज आम्ही तुम्हाला शुगर फ्री रव्याच्या हलव्याची रेसिपी सांगणार आहोत ज्यामध्ये तुम्ही अंजीर मिक्स करून बनवू शकता. अंजीर आणि इतर ड्रायफ्रुट्स टाकून हा शिरा खूप चविष्ट बनतो. चला तर जाणून घ्या कसा बनवायचा हा हेल्दी आणि टेस्टी शिरा

साहित्यः

- अंजीर

- खजूर

- बदाम

- काजू

- खारीक

- तूप

- रवा

- शुगर फ्री

- किशमिश

- वेलची पूड

- पाणी

विधीः

सर्वप्रथम एका वाटीमध्ये अंजीर, खजूर यात पाणी टाकून ते साधारण २ ते ३ तासासाठी भिजवून ठेवा. एका पॅन मध्ये तूप गरम करा आणि त्यात बदाम, काजू, खारीक टाकून मध्यम आचेवर साधारण ३ ते ५ मिनीट भाजून घ्या. आता हे काढून घ्या आणि मिक्स करून ग्राइंडरमध्ये थोडे जाडसर बारीक करा. आता यात भिजवलेले अंजीर आणि खजूर टाका आणि चांगले ब्लेंड करून घ्या. हे सर्व एका बाजूला ठेवून द्या.

एका पॅन मध्ये थोडेसे तूप घेऊन गरम करा. त्यात रवा टाका आणि मध्यम आचवर साधारण ८ ते १० मिनीट भाजून घ्या. रवा नीट भाजल्यावर त्यात पाणी टाका आणि मिक्स करून घ्या. हे साधारण ३ ते ५ मिनीट मध्यम आचेवर शिजवा. आता यात शुगर फ्री आणि ब्लेंड केलेली अंजीरची पेस्ट टाका आणि चांगले मिक्स करा. यात मिक्स केलेले ड्रायफ्रूट्स, किशमिश व वेलची पूड टाका आणि मिक्स करा. साधारण २ ते ३ मिनीट मध्यम आचवर शिजू द्या. तुमचा शिरा तयार आहे. गॅस बंद करा. सर्व्हिंग प्लेट मध्ये शिरा काढा आणि बदाम, ड्रायफ्रुट्सने गार्निश करून सर्व्ह करा.