Stuffed Mirchi Pakode Recipe: संध्याकाळच्या नाश्त्यासाठी बनवा बटाटा स्टफ मिरची पकोडे!

वातावरण थोडं थंड झालं की गरमागरम चहासोबत पकोडे खायला मजा येते. प्रत्येकजण आपापल्या पद्धतीने पकोडे बनवतो. वेगवेगळ्या भाज्यांशिवाय मिरचीची पकोडेही छान लागतात. आज आम्ही तुम्हाला बटाट्याचे सारण भरून मिरची पकोडा बनवण्याची रेसिपी सांगत आहोत. अशा प्रकारे बनवलेले पकोडे चहाच्या वेळी खाण्यासाठी एकदम बेस्ट आहेत. याशिवाय घरी होणाऱ्या पार्टीतही तुम्ही हे पकोडे बनवू शकतो. या रेसिपीसाठी आधी तयारी केल्यास आयत्यावेळी पकोडे तयार केले जाऊ शकतात.

पकोडे बनवण्यासाठी आवश्यक साहित्य

- जाड मिरची

- उकडलेले बटाटे

- बेसन

- ओवा

- मीठ

- मिरची पावडर

- गरम मसाला पावडर

- आमचूर पावडर

- चाट मसाला

- ताजी काळी मिरी

- बडीशेप

- कोथिंबीर

- तेल

(Achari Aaloo Recipe: नेहमीच्या बटाटयाच्या भाजी ऐवजी बनवा आचारी आलू! झटपट तयार होते डिश)

कसे बनवावे पकोडे?

१) पकोडे बनवण्यासाठी प्रथम मिरची नीट धुवून मधून एक कट लावून घ्या आणि मिरची बाजूला ठेवा.

२) आता बटाट्याचे सारण बनवायला सुरु करा, त्यासाठी उकडलेल्या बटाट्यांमध्ये मीठ, लाल तिखट, काळी मिरी पावडर, बडीशेप आणि आमचूर पावडर घाला. नीट मिक्स करून त्यात बारीक चिरलेली हिरवी कोथिंबीर घाला. बटाट्याचे सारण तयार आहे.

३) बेसन तयार करण्यासाठी एका भांड्यात बेसन पीठ घेऊन त्यात मीठ, ओवा, लाल तिखट, गरम मसाला पावडर, काळी मिरी पावडर, चाट मसाला घाला. ४. ४) प्रथम कोरड्या गोष्टी मिक्स करा आणि नंतर त्यात थोडे पाणी घाला. मिश्रण थोडे घट्ट ठेवा म्हणजे मिरच्या चांगल्या कव्हर होतील.

५) कढईत तेल गरम करा आणि तेल गरम होईपर्यंत सर्व मिरच्यांमध्ये बटाट्याचे सारण भरा.

६) तेल गरम झाल्यावर प्रत्येक मिरची बेसनाच्या पिठात बुडवून नंतर तेलात सोडा. गोल्डन ब्राऊन होईपर्यंत चांगले तळून घ्या आणि नंतर चटणीबरोबर सर्व्ह करा.