Kitchen Tips: 'या' पद्धतीने गॅस बर्नर काही मिनिटांत होईल साफ! फॉलो करा टिप्स

Tips to clean gas burners quickly: स्वयंपाक घर साफ असणे फार गरजेचे असते. कारण जर जिथे आपण अन्न बनवतो ती जागा साफ नसेल तर आजारी पडण्याचे चान्सेस जास्त असतात. घरातील स्त्रिया किचन साफ करताना अनेकदा एका गोष्टीकडे दुर्लक्ष करतात ते म्हणजे गॅस बर्नर. ररोज गॅस बर्नर साफ करणे कोणत्याही महिलेसाठी सोपे काम नाही. पण हे देखील खरे आहे की गॅस बर्नरची नियमित साफसफाई केली नाही तर प्रॉब्लेम होऊ शकतो. त्यावर काळसर स्थर तर चढतोच पण त्यासोबत घाण साचून त्यांची छिद्रेही बंद होऊ लागतात. त्यामुळे गॅस वाया जातो आणि अन्न शिजायला जास्त वेळ लागतो.

गॅस बर्नर साफ करणे अनेकदा कठीण वाटते. पण या समस्येवर मात करण्यासाठी आम्ही मदत करू. या किचन हॅकच्या मदतीने तुम्ही तासाभराचे काम मिनिटांत कसे करू शकता ते जाणून घ्या.

मीठ आणि लिंबू

गॅस बर्नर साफ करण्यासाठी सर्वप्रथम, रात्री गरम पाण्यात लिंबूचा रस मिसळा त्यासोबत लिंबाच्या सालीसुद्धा टाका. या पाण्यात गॅस बर्नर भिजत ठेवा. दुसऱ्या दिवशी सकाळी त्याच लिंबाच्या सालीला मीठ लावून स्वच्छ करा. तुमचा गॅस बर्नर नवीनसारखा चमकेल. गॅस बर्नर साफ करण्यासाठी तुम्ही दर १० दिवसांनी या टिपचे अनुसरण करू शकता.