Baby Care Tips: थंडीमुळे बाळाच्या कानात होऊ शकतात वेदना, आराम मिळवण्यासाठी करा या गोष्टी

Home Remedies for Ear Infection: हिवाळ्यात वाहणारे थंड वारे मुलांना खूप त्रास देतात. या थंड वाऱ्यांमुळे लहान मुलांच्या कानात दुखण्याची समस्या उद्भवू शकते. कानाचा संसर्ग किंवा ओटिटिस मीडिया, मध्य कानाची वेदनादायक जळजळ असते. बहुतेक मधल्या कानाचे संक्रमण कान, नाक आणि घसा यांना जोडणार्‍या कानाच्या ड्रम आणि युस्टाचियन ट्यूब दरम्यान होतात. यापासून सुटका मिळवण्यासाठी तुम्ही काही घरगुती उपायांचा अवलंब करू शकता. जाणून घ्या.

हॉट कॉम्प्रेस

सुमारे १० ते १५ मिनिटे तुमच्या मुलाच्या कानात उबदार, ओलसर कॉम्प्रेस लावण्याचा प्रयत्न करा. यामुळे वेदना कमी होण्यास मदत होऊ शकते.

औषध

जर तुमच्या मुलाला कान दुखत असतील आणि ताप असेल तर त्याला आराम मिळण्यासाठी डॉक्टरांच्या सल्ल्याने औषध द्या. तुमच्या डॉक्टरांनी सांगितल्यानुसार आणि वेदना निवारक बॉटल वरील निर्देशांनुसार औषध वापरा.

गरम तेल

तुमच्या मुलाच्या कानातून द्रवपदार्थ वाहून जात नसल्यास आणि कानाचा पडदा फुटल्याचा संशय नसल्यास, प्रभावित कानात खोलीच्या तापमानाचे काही थेंब किंवा थोडेसे कोमट ऑलिव्ह ऑईल किंवा तिळाचे तेल टाका. हे डॉक्टरांच्या सल्ल्यानेच करा.

हायड्रेटेड ठेवा

तुमच्या मुलाला भरपूर पाणी प्यायला द्या. असे केल्याने युस्टाचियन ट्यूब उघडण्यास मदत होते. ज्यामुळे वेदना कमी होण्यास मदत होते.

होमिओपॅथिक इयर ड्रॉप

ऑलिव्ह ऑइलमध्ये लसूण, म्युलिन, लॅव्हेंडर, कॅलेंडुला आणि सेंट जॉन वॉर्ट या घटकांचा अर्क असलेले होमिओपॅथिक इयर ड्रॉप जळजळ आणि वेदना कमी करण्यास मदत करू शकतात.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)