National Film Awards 2023: अल्लू अर्जुनला मिळाला राष्ट्रीय पुरस्कार, लूक पाहून चाहते फिदा

चित्रपटसृष्टीमध्ये मानाचा समजला जाणारा राष्ट्रीय पुरस्कार सोहळा २०२३ नुकताच पार पडला. ६९वा हा पुरस्कार सोहळा नवी दिल्लीमधील विज्ञान भवन येथे आयोजित करण्यात आला आहे. राष्ट्रपती द्रौपदी मुर्मूंच्या हस्ते राष्ट्रीय चित्रपट पुरस्कार प्रदान करण्यात येणार आहेत. आता या पुरस्कार सोहळ्यात कोणत्या अभिनेत्याला सर्वोत्कृत्य अभिनेत्याचा पुरस्कार मिळाला असा प्रश्न पडला आहे. चला जाणून घेऊया...

दाक्षिणात्य सुपरस्टार अभिनेता अल्लू अर्जुनला सर्वोत्कृष्ट अभिनेता या कॅटेगिरीमधील पुरस्कार देण्यात आला. त्यावेळी त्याने खास लूकमध्ये या राष्ट्रीय चित्रपट पुरस्कार सोहळ्याला हजेरी लावली. पुरस्कार मिळताच अल्लू अर्जुनने माध्यमाशी संवाद साधला.
वाचा: पहिल्याच दिवशी 'बिग बॉस १७'च्या घरात झाला जोरदार राडा; स्पर्धकांमध्ये हाणामारी!

अल्लू अर्जुनने राष्ट्रीय चित्रपट पुरस्कार सोहळ्याच्या रेड कार्पेटवर मुलाखत दिली. यावेळी तो म्हणाला, "मी खूप आनंदी आहे आणि मला दुप्पट आनंद होत आहे कारण हा पुरस्कार एका व्यावसायिक चित्रपटासाठी मिळत आहे." दरम्यान, अल्लूने पांढऱ्या रंगाचा आऊटफिट परिधान केला होता. त्यावर काळ्या रंगाचा चष्मा लावला.

अल्लू अर्जुनला 'पुष्पा: द राइज' या चित्रपटातील भूमिकेसाठी सर्वोत्कृष्ट अभिनेता हा राष्ट्रीय चित्रपट पुरस्कार जाहीर करण्यात आला आहे. आज त्याला हा पुरस्कार प्रदान करण्यात आला आहे.