Urvashi Rautel: सर्वाधिक ब्यूटी टायटल्स जिंकणारी अभिनेत्री, वाढदिवशी उर्वशी विषयी खास गोष्टी

बॉलिवूड अभिनेत्री उर्वशी रौतेला सतत कोणत्या ना कोणत्या कारणामुळे चर्चेत असते. कधी तिने जिंकलेल्या किताबामुळे तर कधी तिच्या खासगी आयुष्यामुळे. गेल्या काही दिवसांपासून उर्वशीचे नाव हे भारतीय क्रिकेटपटू ऋषभ पंतशी जोडले जात आहे. मात्र अद्याप यावर दोघांनीही उघडपणे बोललेलं नाही. आज २५ फेब्रुवारी रोजी उर्वशीचा वाढदिवस आहे. त्यानिमित्ताने जाणून घेऊया तिच्याविषयी काही खास गोष्टी...

उर्वशी रौतेलाचा जन्म उत्तराखंड येथे झाला. तिने अभिनयाच्या जोरावर बॉलिवूडमध्ये स्वत:ची अशी वेगळी ओळख निर्माण केली आहे. ती रौतेला कुटुंबातील पहिली सदस्य आहे जिने बॉलिवूडमध्ये नाव कामावले आहे. इंडस्ट्रीमध्ये पाऊल टाकण्यापूर्वी उर्वशी ही नॅशनल लेवल बास्केटबॉल प्लेअर होती. ती एक क्लासिकल डान्सर आहे. तिला पाच डान्स फॉर्म्स येतात.
वाचा: ब्रश करता-करता गाणं गायला लागला पठ्ठ्या; आवाज ऐकून चकीत व्हाल!

वयाच्या १५व्या वर्षी उर्वशीने मॉडेलिंगच्या करिअरला सुरुवात केली होती. तिने ‘विल्स लाइफस्टाइल इंडिया फॅशन वीक’मध्ये सहभाग घेतला होता. त्यानंतर तिला अनेक ऑफर्स येऊ लागल्या होत्या. सर्वाधीक ब्यूटी टायटल्स स्वत:च्या नावे करण्याचा रेकॉर्ड उर्वशीने केला आहे. तिने आजवर अनेक सौंदर्य स्पर्धा जिंकल्या आहेत. ‘मिस यूनिवर्स पेजेंट २०१५’मध्ये तिने भारताचे नेतृत्व केले होते. २०२१मध्ये तिने मिस यूनिवर्समध्ये परिक्षक म्हणून सहभाग घेतला होता.

उर्वशीने ‘सिंह साब द ग्रेट’ या चित्रपटातून बॉलिवूडमध्ये पदार्पण केले. त्यानंतर ‘सनम रे’, ‘ग्रेट ग्रँड मस्ती’, ‘काबिल’, ‘हेट स्टोरी ४’, ‘पागलपंती’ या चित्रपटांमध्ये तिने काम केले आहे.