IND Vs BAN Colombo Weather : भारत-बांगलादेश सामना पूर्ण होणार का? सध्या असं आहे कोलंबोचं हवामान

IND Vs BAN Rain Asia Cup 2023 : आशिया कप 2023 च्या सुपर फोरचा शेवटचा सामना आज (१५ सप्टेंबर) भारत आणि बांगलादेश यांच्यात होणार आहे. टीम इंडिया फायनलमध्ये पोहोचली आहे. तर बांगलादेशचा संघ आशिया कपमधून बाहेर पडला आहे. अंतिम फेरीत भारताचा सामना १७ सप्टेंबर रोजी श्रीलंकेशी होणार आहे. 

पण याआधी भारताचा सामना बांगलादेशशी होईल. हा सामना कोलंबोमध्ये खेळवला जाणार आहे. हवामान खात्यानुसार भारत आणि बांगलादेश यांच्यातील सामन्यादरम्यान पाऊस पडू शकतो.

भारत आणि बांगलादेश यांच्यातील सामना दुपारी ३ वाजता सुरू होईल. हवामान खात्यानुसार दुपारी ३ वाजता पाऊस पडू शकतो. यानंतर सायंकाळी ५ ते रात्री ८ वाजेपर्यंत पावसाची शक्यता कमी आहे. पण रात्री ८ वाजेनंतर पुन्हा पाऊस सुरू होऊ शकतो. दरम्यान, सामन्यापूर्वी पाऊस पडल्यास नाणेफेकीला उशीर होऊ शकतो.

या सामन्यासाठी टीम इंडिया प्लेइंग इलेव्हनमध्ये बदल करू शकते. भारतीय संघ हार्दिक पांड्या आणि जसप्रीत बुमराह यांना विश्रांती देऊ शकतो. तर शार्दुल ठाकूर किंवा अक्षर पटेल यांना प्लेइंग इलेव्हनमध्ये स्थान मिळू शकते. टीम इंडिया मोहम्मद शमी आणि तिलक वर्मा यांनाही आजमावू शकते. भारतीय संघाला आपली बेंच स्ट्रेंथ तपासण्याची ही चांगली संधी आहे.

आज दिवसभरात असं असेल कोलंबोचे हवामान

दुपारी २:  पावसाची शक्यता - ३४ टक्के

दुपारी ३ :  पावसाची शक्यता - ३९ टक्के

सायंकाळी ४ :  पावसाची शक्यता - ४९ टक्के

संध्याकाळी ५ : पावसाची शक्यता - ६१ टक्के

संध्याकाळी ६ :  पावसाची शक्यता - ६१ टक्के

संध्याकाळी ७ : पावसाची शक्यता - ४९ टक्के

रात्री ८ : पावसाची शक्यता - ४७ टक्के

रात्री ९ : पावसाची शक्यता - ५१  टक्के

रात्री १० : पावसाची शक्यता - ३८ टक्के

रात्री ११ :  पावसाची शक्यता - ३२ टक्के

दोन्ही संघ

भारत - रोहित शर्मा (कर्णधार), शुभमन गिल, विराट कोहली, श्रेयस अय्यर, केएल राहुल (यष्टीरक्षक), तिलक वर्मा/हार्दिक पंड्या, रवींद्र जडेजा, अक्षर पटेल/शार्दुल ठाकूर, कुलदीप यादव, मोहम्मद शमी, मोहम्मद सिराज.

बांगलादेश - मेहदी हसन मिराज, मोहम्मद नईम/तन्झीद हसन, लिटन दास (विकेटकीपर), शकीब अल हसन (कर्णधार), तौहीद हृदोय, अफिफ हुसैन, शमीम होसेन, नसुम अहमद, तस्किन अहमद, शरीफुल इस्लाम, हसन महमूद.