SSY : सुकन्या समृद्धी योजनेतील गुंतवणूकदारांसाठी अलर्ट! तात्काळ चेक करा खात्यातील बॅलन्स, अन्यथा…

Sukanya Samruddhi Yojana : केंद्र सरकारच्या सुकन्या समृद्धी योजनेच्या वाढीव व्याजदराच्या प्रतिक्षेत असलेल्या गुंतवणूकदारांना पुन्हा एकदा झटका बसू शकतो. पुढील तिमाही एप्रिल ते जून दरम्यान व्याजदर स्थिर राहतील असा अंदाज आहे. मात्र ३१ मार्चपूर्वी संपत आलेल्या आर्थिक वर्षात एसएसवायच्या खात्यात किमान २५० रुपये जमा नसल्यास गुंतवणूकदारांना ५० रुपयांचा दंड भरावा लागू शकतो.

अशी आहे योजना

या योजनेंतर्गंत १० वर्षांपेक्षा कमी वयाच्या मुलींच्या नावावर खाते उघडले जाऊ शकते. तुम्ही २५० रुपयांपेक्षा किमान रकमेच्या गुंतवणूकीपासून सुरुवात करता येऊ शकते. एका आर्थिक वर्षात कमाल रक्कम १.५ लाख रुपये जमा करु शकतात. या योजनेंतर्गत जमा रकमेवर ८० सी अंतर्गत करसवलत मिळते. या करारांतर्गत १.५ लाख रुपयांपर्यंत सवलत दिली जाते. सरकार सुकन्या समृद्धी योजनेच्या गुंतवणूकीवर ७.६ टक्के व्याज देते. खाते उघडल्याच्या दिवसापासून १४ वर्षांपर्यंत खात्यात पैसे जमा करता येऊ शकतात.

PPF : पीपीएफ, सुकन्या समृद्धी योजनेतील गुंतवणूकदारांचं नवं वर्ष 'हॅप्पी' होणार

रक्कम काढण्याची सुविधा

उच्च शिक्षण आणि लग्नाच्या इराद्याने खातेधारकांना या योजनेचा फायदा होऊ शकतो. मुलीच्या वयाच्या १८ वर्षांनंतर अंशत रक्कम काढण्याची मुभा दिली जाते. यात लाभार्थी मुलीचे लग्न मच्युरिटीच्या आधी झाले तर हे खाते बंद करावे लागते.

१२ तिमाहीपासून स्थिर व्याजदर

सलग १२ तिमाहीत सरकारने सुकन्या समृद्धी योजनेवरील व्याजदरात बदल केलेला नाही. डिसेंबर २०२२ मध्ये सरकारने जानेवारी मार्च तिमाहीसाठी काही छोट्या बचत योजनेवरील व्याजदरात बदल केला होता. याशिवाय पब्लिक प्राॅव्हिडंट फंडसारख्या लोकप्रिय योजनांवरील व्याजदरही बदलण्यात आले होते.