Bank Holiday : मार्च संपेपर्यंत बँकांना सुट्टी नाहीच, रविवारीही कामकाज होणार, आरबीआयचा नवा आदेश!

Reserve Bank of India New Order About Bank Holiday : यंदाचं आर्थिक वर्ष संपण्यासाठी काही दिवसच उरलेले असतानाच आता देशाची मध्यवर्ती बँक असलेल्या रिझर्व बँक ऑफ इंडियानं देशभरातील बँकांसाठी नव्या सूचना जारी केल्या आहेत. यंदाच्या वर्षातील खर्चाची गणना आणि रेकॉर्ड्स तयार करण्यासाठी देशभरातील बँकांना येत्या ३१ मार्चपर्यंत कोणतीही सुट्टी न देण्याचा निर्णय आरबीआयनं घेतला आहे. त्यामुळं आता मार्च अखेरपर्यंत शनिवार आणि रविवारी देखील बँकांचं कामकाज सुरुच राहणार आहे. मार्च संपल्यानंतर एक आणि दोन एप्रिलला बँकांना दोन दिवस सुट्टी दिली जाणार आहे. त्यामुळं आता या आठवड्यात अनेक बँकांमधील कर्मचाऱ्यांचं काम मोठ्या प्रमाणात वाढण्याची शक्यता आहे.

चालू आर्थिक वर्ष संपत असताना सर्व कामकाज नियोजित वेळेआधी संपवण्यासाठी आरबीआयनं बँका सुरुच ठेवण्याचा निर्णय घेतला आहे. यावेळी बँकांमध्ये ग्राहकांसाठी कोणतेही काम केले जाणार नाही. परंतु ग्राहकांना धनादेश बँकेच्या शाखेत जमा करता येणार आहेत. याशिवाय आरबीआयच्या या निर्णयाचा ऑनलाईन बँकिंगवर कोणताही परिणाम होणार नसल्याचं स्पष्ट करण्यात आलं आहे. मार्च महिना संपल्यानंतर देशात नवं आर्थिक वर्ष सुरू होणार आहे. त्यापूर्वी बँकांसह आर्थिक संस्थांमधील वर्षभरातील खर्चांची गणना करून त्याचं रेकॉर्ड तयार केलं जातं. त्यानंतर नव्या व्यवहारांची सुरुवात करण्यात येत असते.

Gold loan : सोने दर वाढीचा असाही परिणाम, सोने तारणावर मिळेल अधिक कर्ज, पहा व्याजदर

बँकांमधील ही काम तातडीनं उरकून घ्या...

तुमचं आधार कार्ड पॅन कार्डशी लिंक नसेल तर ते काम तातडीनं पूर्ण करून घ्या. त्यानंतर त्यानंतर तुमच्या पॅनकार्डचा व्यवहारात कोणताही उपयोग होणार नाही. याशिवाय पंतप्रधान वय वंदना योजनेत गुंतवणूक करण्याची शेवटची तारीख ही ३१ मार्च आहे. इतकंच नाही मार्च अखेरपर्यंत आयटीआर भरण्यासाठीची मुदत देण्यात आली आहे. त्यामुळं मार्च महिना संपण्याआधी तुम्ही बँकांमधील आवश्यक कामं पूर्ण करू शकता.

नोबेल विजेते अमर्त्य सेन यांच्यावर जमीन घोटाळ्याचा आरोप?, विश्वभारती विद्यापीठानं बजावली नोटीस