EPFO : महत्त्वाची बातमी ! ईपीएफओ कर्मचाऱ्यांना मिळणार जास्त निवृत्तीवेतन, प्रक्रिया सुरु

EPFO : कर्मचारी भविष्य निर्वाह निधीने सोमवारी कर्मचारी पेन्शन योजना (ईपीएस) अंतर्गत अधिक पेन्शनसाठी अर्ज करण्याची प्रक्रिया सुरु केली आहे. निवृत्तीवेतन फंडाचे नियोजन करणाऱ्या संस्थेने सांगितले की, यासाठी सदस्य आणि सदस्य काम करत असलेली संस्था संयुक्तपणे अर्ज सादर करु शकतात. नोव्हेंबर २०२२ मध्ये सर्वोच्च न्यायालयाने कर्मचारी पेन्शन योजना २०१४ ला कायम ठेवली आहे.

EPF Withdrawal Online: पीएफचे पैसे ऑनलाइन कसे काढावेत? जाणून घ्या पाच सोप्या स्टेप्स

याआधी २२ आॅगस्ट २०१४ ला ईपीएसने पेंन्शन योग्य वेतन सीमा ६५०० रुपये प्रती महिन्यावरुन १५००० रुपये प्रती महिना केली होती. त्यासह सदस्य आणि संस्थांना ईपीएसमध्ये त्यांच्या वेतनातील ८.३३ टक्के योगदान देण्याची अनुमती देण्यात आली होती. ईपीएफओने एका आदेशात फिल्ड कार्यालयांद्वारे संयुक्त विकल्प फाॅर्मसंदर्भात माहिती दिली आहे.

EPFO : नोकरदारवर्गासाठी अलर्ट! पॅन, आधार, यूएएन, बॅक खाते आणि ओटीपी शेअर करू नका

ईपीएफओने सांगितले की एक सुविधा देण्यात येईल. याची यूआरएल (युनिक रिसोर्स लोकेशन) देण्यात येईल. ती दिल्यानंतर क्षेत्रीय पीएफ आयुक्त व्यापक सार्वजनिक सूचनेसाठी नोटीसबोर्ड आणि बॅनरद्वारे माहिती देतील. आदेशानुसार, प्रत्येक अर्ज नोंदणीकृत केला जाणार आहे. डिजिटल रुपात लाॅग इन करण्यात येणार आहे आणि अर्जदाराला तशा आशयाचा पावती क्रमांक दिला जाईल.

संबंधित क्षेत्रीय भविष्य निधी कार्यालयाचे प्रभारी अधिकारी उच्च वेतनावर संयुक्त विकल्पाच्या प्रत्येक प्रकरणाची चौकशी करतील. त्यानंतर अर्जदाराला ईमेल / पोस्टाद्वारे एसएमएसद्वारे निर्णय़ाची माहिती देण्यात येईल. आदेशानुसार, हे निर्देश म्हणजे सर्वोच्च न्यायालयाच्या ४ नोव्हेंबर २०२२ च्या आदेशाचे पालन करण्याच्या दृष्टीने देण्यात आले आहेत.