Umran Malik: उमरान मलिकची तुफानी गोलंदाजी, पुजाराचा सौराष्ट्र संघ ९८ धावांवर गारद

इराणी चषक २०२२ मध्ये सौराष्ट्र आणि शेष भारत यांच्यात सामना खेळला जात आहे. यामध्ये शेष भारताने नाणेफेक जिंकून प्रथम गोलंदाजी करण्याचा निर्णय घेतला. यादरम्यान सौराष्ट्रचा संघ पहिल्या डावात अवघ्या ९८ धावांवर ऑलआऊ झाला. संघाकडून धर्मेंद्र जडेजाने सर्वाधिक २८ धावा केल्या. तर मुकेश कुमार आणि उमरान मलिक यांनी शेष भारतासाठी धोकादायक गोलंदाजी केली.

उमरानने अवघ्या ५ षटकांत ३ गडी बाद केले

नाणेफेक हारल्यानंतर प्रथम फलंदाजी करताना सौराष्ट्रचा संघ ९८ धावांत सर्वबाद झाला. यादरम्यान उमरानने शेष भारतासाठी शानदार गोलंदाजी केली. त्याने ५.५ षटकात २५ धावा देत ३ बळी घेतले. कुलदीप सेनने ७ षटकात ४१ धावा देत ३ बळी घेतले. मुकेश कुमारने १० षटकात २३ धावा देत ४ बळी घेतले.

चेतेश्वर पुजारा एक धाव काढून बाद

सौराष्ट्रकडून धर्मेंद्र जडेजाने सर्वाधिक २८ धावा केल्या. त्याने ३६ चेंडूत ६ चौकार मारले. तर चेतेश्वर पुजारा एक धाव काढून बाद झाला. कर्णधार जयदेव उनाडकटने १३ चेंडूंचा सामना करताना २ चौकारांच्या मदतीने १२ धावा केल्या. दरम्यान शेष भारताचे कर्णधारपद हनुमा विहारीकडे आहे.

दोन्ही संघ

शेष भारत- हनुमा विहारी (कर्णधार), मयंक अग्रवाल, प्रियांक पांचाळ, अभिमन्यू ईश्वरन, यश धुल, सरफराज खान, यशस्वी जैस्वाल, केएस भरत, उपेंद्र यादव, जयंत यादव, सौरभ कुमार, आर साई किशोर, मुकेश कुमार, उमरान मलिक, कुलदीप सेन, उम्रान मलिक आणि अर्जन नागवासवाला.

सौराष्ट्र- जयदेव उनाडकट (कर्णधार), चेतेश्वर पुजारा, शेल्डन जॅक्सन, अर्पित वसावडा, चिराग जानी, कमलेश मकवाना, धर्मेंद्रसिंह जडेजा, प्रेराक मंकड, चेतन साकारिया, स्नेल पटेल, विश्वराजसिंह जडेजा, कुशांग पटेल, हार्विक किरण, पराक्रम देसाई.