IND vs SA 2nd ODI Weather Report: दुसऱ्या वनडेतही पाऊस ठरणार व्हिलन? पाहा ‘असं’ असेल रांचीतलं हवामान

भारत आणि दक्षिण आफ्रिका यांच्यातील एकदिवसीय मालिकेतील दुसरा सामना रांची येथे होणार आहे. एकदिवसीय मालिकेतील पहिल्या सामन्यात दक्षिण आफ्रिकेने भारताचा ९ धावांनी पराभव केला. या पराभवानंतर भारतीय संघ तीन वनडे सामन्यांच्या मालिकेत ०-१ ने पिछाडीवर आहे. अशा स्थितीत आज रविवारी रांची येथे होणाऱ्या दुसऱ्या वनडेत भारतीय संघाला मालिकेत बरोबरी साधायची आहे.

पीच रिपोर्ट-

रांचीमधील खेळपट्टी फलंदाजीसाठी अतिशय अनुकूल असेल. त्याचवेळी दव या सामन्यात मोठी भूमिका बजावणार आहे. अशा परिस्थितीत या खेळपट्टीवर नाणेफेक जिंकल्यानंतर प्रथम गोलंदाजी करणे हा योग्य निर्णय असेल. त्याच वेळी, या मैदानावर २८० ते ३२० पर्यंतचे टार्गेट सहज चेस होऊ शकते.

हवामान

रांचीमधील दुसऱ्या वनडेदरम्यान पाऊस दोन्ही संघांसाठी पाऊस अडचणीचा ठरू शकतो. रविवारी रांचीमध्ये हवामान स्वच्छ राहण्याची शक्यता आहे, मात्र, संध्याकाळी पाऊस पडण्याची शक्यता आहे. Weather.com नुसार, रविवारी रांचीमध्ये पावसाची २५ टक्के शक्यता आहे. अशा स्थितीत पावसामुळे सामना प्रभावित होऊ शकतो. रांचीमध्ये भारत आणि दक्षिण आफ्रिका यांच्यातील दुसरा सामना दुपारी १.३० वाजता सुरू होईल. या दरम्यान दुपारपर्यंत येथे ७५ टक्के आर्द्रता राहील. त्याच वेळी, येथे तापमान ३० अंशांच्या आसपास राहू शकते.

दोन्ही संभाव्य प्लेईंग ११

भारत -

शिखर धवन, शुभमन गिल, ऋतुराज गायकवाड, इशान किशन, श्रेयस अय्यर, संजू सॅमसन, शार्दुल ठाकूर, वॉशिंग्टन सुंदर/रवी बिश्नोई, आवेश खान, कुलदीप यादव, मोहम्मद सिराज

दक्षिण अफ्रीका -

टेम्बा बवुमा (कप्तान), क्विंटन डी कॉक, जानेमन मलान, एडेन मार्करम, डेविड मिलर, हेनरिक क्लासेन, वायने पार्नेल, केशव महाराज, कगिसो रबाडा, लुंगी एनगीडी, तबरेज़ शम्सी.