Ben Stokes : वनडे वर्ल्डकपसाठी बेन स्टोक्स निवृत्ती मागे घेणार? समोर आली महत्वाची अपडेट

ben stokes for odi world cup 2023 : इंग्लंडचा सध्याचा कसोटी कर्णधार बेन स्टोक्स विश्वचषकासाठी वनडे फॉरमॅटमधून निवृत्ती मागे घेऊ शकतो. स्टोक्सच्या पुनरागमनाबाबत इंग्लिश मीडियामध्ये सतत बातम्या येत आहेत की तो एकदिवसीय क्रिकेटमधून निवृत्ती घेऊ शकतो आणि भारतात होणाऱ्या २०२३ च्या वनडे विश्वचषकासाठी निवडीसाठी उपलब्ध होऊ शकतो.

स्टोक्सने जुलै २०२२ मध्ये एकदिवसीय क्रिकेटमधून निवृत्ती जाहीर केली होती. २०२२ मध्ये ऑस्ट्रेलियात झालेल्या T20 विश्वचषकात इंग्लंडने विजेतेपद पटकावले होते. स्पर्धेच्या अंतिम सामन्यात स्टोक्सने पाकिस्तानविरुद्ध संघासाठी शानदार खेळी केली होती. तेव्हापासून एकदिवसीय विश्वचषकात स्टोक्सच्या पुनरागमनाची चर्चा तीव्र झाली. मात्र, बेन स्टोक्सने त्याच्या वनडे पुनरागमनाबद्दल माहिती दिली आहे.

Zim Afro T10 : १० षटकांच्या सामन्यात रॉबिन उथप्पाची तुफानी फलंदाजी, २३० च्या स्ट्राईक रेटनं ठोकल्या धावा

दरम्यान, स्टोक्स गेल्या वर्षी म्हणाला होता की, "वर्ल्डकप दरम्यान मला कसे वाटेल यावर ते अवलंबून आहे. वर्ल्डकप सारख्या स्पर्धेत देशाचे प्रतिनिधित्व करायला मिळणे, ही एक अद्भुत गोष्ट आहे. पण सध्या मी त्याचा विचारही करत नाहीये."

तसेच, स्टोक्सने हेदेखील स्पप्ट केले आहे की, तो एकदिवसीय क्रिकेटमधून निवृत्ती मागे घेणार नाही. याशिवाय अॅशेस 2023 नंतर तो सुट्टीवर जाणार असल्याचेही त्याने सांगितले आहे. आयसीसीच्या हवाल्याने स्टोक्स म्हणाला की, "मी निवृत्त झालो आहे." "या सामन्यानंतर मी सुट्टीवर जाणार आहे ."

स्टोक्स गुडघ्याच्या दुखापतीमुळे त्रस्त 

या वर्षी न्यूझीलंडविरुद्ध झालेल्या कसोटी सामन्यात स्टोक्सला गुडघ्याला दुखापत झाली होती. यानंतर, तो आयपीएल 2023 मध्ये चेन्नई सुपर किंग्जसाठी फक्त २ सामने खेळू शकला. त्याच वेळी, अॅशेस २०२३ च्या ४ कसोटींमधील दोन सामन्यात त्याने गोलंदाजी केली नाही.