Ayodhya Cabinet Meeting: अयोध्येत दीपोत्सवाच्या आधी योगी कॅबिनेटची बैठक, कोणत्या प्रस्तावांना मिळणार मंजुरी?

Ayodhya Cabinet Meeting : मुख्यमंत्री योगी आदित्यनाथ यांच्या अध्यक्षतेत उत्तर प्रदेश सरकारची कॅबिनेट बैठक ९ नोव्हेंबर रोजी अयोध्या येथील आंतरराष्ट्रीय कथा धाममध्ये होणार आहे. ११ नोव्हेंबर रोजी होणाऱ्या दीपोत्सवाच्या आधी ही बैठक होत आहेत. या कॅबिनेट बैठकीसाठी सर्व मंत्र्यांना उपस्थित राहण्याचे निर्देश जारी करण्यात आले आहेत. गुरुवारी सकाळी साडे अकरा वाजता ही बैठक होणार आहे. 

कॅबिनेट बैठकीचा अजेंडा बुधवारपर्यंत जारी करण्यात येणार आहे. मध्य प्रदेश आणि राजस्थानमध्ये सुरू असलेल्या निवडणूक प्रचारासाठी यूपी सरकारमधील अनेक मंत्री गेले आहेत. त्यांनाही या बैठकीसाठी हजर राहण्याच्या सूचना देण्यात आल्या आहेत. 

ही पहिलीच वेळ नाही की, लखनौच्या बाहेर मंत्रिमंडळ बैठक बोलावण्यात आली आहे. २०१९ मध्ये कुंभ मेळाव्याच्या दरम्यान योगी कॅबिनेट प्रयागराजमध्ये पार पडली होती. त्या बैठकीत कॅबिनेटने मेरठ ते प्रयागराजपर्यंत गंगा एक्सप्रेस वे योजनेच्या प्रस्तावाला मंजुरी दिली होती. सूत्रांचे म्हणणे आहे की, आगामी काळात योगी कॅबिनेटची बैठक वाराणसी आणि मथुरा येथेही होऊ शकते. 

९ नोव्हेंबर रोजी होणाऱ्या कॅबिनेटच्या बैठकीत २२ जानेवारी २०२४ रोजी होणाऱ्या रामलल्ला प्राण प्रतिष्ठापणा कार्यक्रमासह अनेक प्रस्तावांना मंजुरी मिळू शकते. त्याचबरोबर उत्तर प्रदेश अंतर्देशीय जल मार्ग प्राधिकरण गठन करण्यास मंजूरीही मिळू शकते. मुख्यमंत्री योगी आदित्यनाथ सध्या चार राज्यांच्या विधानसभा निवडणुकीच्या प्रचारात व्यस्त आहेत. प्रचार सभेत ते राम मंदिराचा मुद्दा उपस्थित करताना दिसत आहेत. भाजपाने मुख्यमंत्री योगी आदित्यनाथ यांना चार राज्यात पक्षाचे स्टार प्रचारक म्हणून मैदानात उतरले आहे.