Delhi Crime: चोरीच्या संशयावरून महिलेला निर्वस्त्र करत मारहाण! महिलेचा विष पिऊन आत्महत्येचा प्रयत्न

दिल्ली : दक्षिण दिल्ली मध्ये एका घरात झालेल्या चोरीचा छडा लावण्यासाठी मांत्रिकाला बोलावण्यात आले. यानंतर घर काम करणाऱ्या एका महिलेला दोषी ठरवत संबंधित महिलेला निर्वस्त्र करत तिला बांधून मारहाण करण्यात आल्याची धक्कादाक घटना घडली आहे. हा अपमान सहन न झाल्याने पीडित महिलेने उंदीर मारण्याचे औषध पिऊन आत्महत्या करण्याचा प्रयत्न केला. या प्रकरणी पोलिसांनी गुन्हा दाखल करून घेतला आहे. मात्र, पोलिसांनी किरकोळ कलमे लावत गुन्हा दाखल केला असल्याचा आरोप पीडितेच्या घरच्यांनी केला आहे.

पोलिसांनी दिलेल्या महितीनुसर ४३ वर्षीय पीडित महिला ही तिच्या परिवारासोबत अंसल विला, सतबारी येथे एका खोलीत राहते. त्या गेल्या दोन वर्षांपासून या ठिकाणी घर काम करतात. त्या ज्या ठिकाणी काम करतात त्या ठिकाणी १० महिन्यापूर्वी चोरी झाली होती. ९ ऑगस्ट रोजी या महिलेने एका मांत्रिकाला बोलवत चोरीचा छडा लावण्याचा प्रयत्न केला. अघोरी विद्येचा वापर करून मांत्रिकाने चोरचा शोध घेण्याचा प्रयत्न सुरू केला. यावेळी मांत्रिकाने घर मालकिनीला तांदूळ आणि चुना देत घरात काम करणाऱ्या कामगारांना खाण्यास दिला. मांत्रिकाने म्हटले की, हे खाऊन ज्याचे तोंड लाल होईल तोच चोर असेल. घर काम करणाऱ्या एका महिलेचे तोंड लाल झाल्याने घर मालकिनीने त्या महिलेला घरात डांबून ठेवत मारहाण केली.

पीडितेला अपमान सहन न झाल्याने विषारी औषध पिऊन केला आत्महत्येचा प्रयत्न

मांत्रिकाने दिलेले तांदूळ खाल्ल्यावर महिलेचे तोंड लाल झाले. या नंतर घर मालकिणीने या महिलेला मारहाण करण्यास सुरुवात केली. तिचे कपडे काढून तिला एका खोलीत कोंडण्यात आले. जवळपास २४ तास तिला या खोलीत कोंडून ठेवण्यात आले. तसेच तिला बांधून मारहाणही करण्यात आली. या नंतर दुसऱ्या दिवशी पिडीनेते पोलिस ठाणे गाठत तिच्यावर बितलेला प्रसंग कथन केला. पीडित महिलेने टॉयलेटला जाण्याच्या बहाण्याने कपडे मागितले. या ठिकाणी तिने उंदीर मारण्याचे औषध प्राशन केले. या नंतर तिला दवाखान्यात भरती करण्यात आले. ती शुद्धीवर आल्यावर पोलिसांनी तिने दिलेल्या माहितीनुसार ११ ऑगस्टला गुन्हा दाखल केला.