Uttar Pradesh: १६ वर्षाच्या विद्यार्थ्यावर शिक्षिकेचं जडलं प्रेम, मग पुढं काय घडलं? तुम्हीच वाचा

Noida: शिक्षक आणि विद्यार्थी यांच्यातील नाते गुरू-शिष्याचेच असते. परंतु, यूपीच्या नोएडामध्ये एक शिक्षिका तिच्या १६ वर्षीय विद्यार्थ्याच्या प्रेमात इतकी वेडी झाली की, ती त्याला घेऊन पळून गेली. याप्रकरणी विद्यार्थ्याच्या वडिलांनी स्थानिक पोलीस ठाण्यात संबंधित तक्रार दाखल केली असून पोलिसांनी पुढील चौकशीला तपासाला सुरुवात केली आहे.

एका वेबसाईटने दिलेल्या वृत्तानुसार, नोएडाच्या सेक्टर १२३ मध्ये २२ वर्षीय शिक्षिका घरी मुलांचे ट्यूशन घेते. शिक्षिकेच्या घरासमोर १६ वर्षांचा एक मुलगा राहतो, जो ट्यूशन घेण्यासाठी तिच्याकडे येत असे. यादरम्यान, दोघांमध्ये जवळीक वाढली आणि दोघंही एकमेकांच्या प्रेमात पडले. त्यानंतर रविवारी दोघेही घरातून पळून गेले.

विद्यार्थ्याच्या वडिलांनी पोलिसांत दिलेल्या तक्रारीत असं म्हटलंय की, रविवारी त्यांचा मुलगा दीडच्या सुमारास मावशीच्या घरी जात असल्याचे सांगत घरातून बाहेर पडला. मात्र, रात्री तो घरी परतलाच नाही. घरासमोर राहणाऱ्या २२ वर्षीय तरुणीने आपल्याला मुलाला फूस लावून पळून नेल्याचा आरोप विद्यार्थ्याच्या वडिलांनी केला आहे. मुलाच्या वडिलांच्या तक्रारीनंतर पोलिसांनी शिक्षिकेविरुद्ध गुन्हा दाखल करण्यात आलाय. पोलीस दोघांचाही शोध घेत आहेत.

खळबळजनक.. ४७ वर्षीय BJP नेत्याचे सपा नेत्याच्या २६ वर्षीय मुलीसोबत प्रेमप्रकरण, दोघेही घरातून पसार

पोलिसांकडून मिळालेल्या माहितीनुसार, तक्रारीच्या आधारे गुन्हा दाखल करण्यात आला आहे. तक्रारदार व्यक्तीचा मुलगा तरूणीकडे शिकायला जात असे. दोघंही रिलेशनशिपमध्ये असल्याची माहिती मिळाली आहे. लवकरच दोघांचाही शोध घेतला जाईल.

VIDEO : बेंगळुरुमध्ये तरुणाने वृद्धाला स्कूटीने १ किमीपर्यंत फरफटत नेले, लोकांनी पकडले अन्..