Seema Haider : सीमा हैदर उतरणार लोकसभेच्या रिंगणात! २०२४ च्या निवडणुकीसाठी NDA कडून मिळाली ऑफर

Seema Haider in 2024 election : पाकिस्तानमधून आपल्या पबजी प्रियकरासाठी चार मुलांसोबत भारतात आलेल्यासीमा हैदर संपूर्ण देशभरात प्रसिद्ध झाली आहे. सीमा हैदर नोएडामध्ये आपला प्रियकर सचिन मीणा याच्यासोबत रहात आहे. सीमावर पाकिस्तानी हेर असल्याचाही आरोप करण्यात आला. कोणी प्रेमवेडी म्हटले तर अनेकांनी तिच्यावर पाकिस्तानी एजंट असल्याचा आरोप केला. आता बातमी आली आहे की, सीमा हैदर २०२४ मध्ये लोकसभा निवडणूक लढू शकते. रिपोर्टनुसार सीमा हैदरला एनडीएचा सहयोगी पक्ष आणि केंद्रीय मंत्री रामदास आठवले यांचा पक्ष रिपब्लिकन पार्टी ऑफ इंडियाकडूनऑफर मिळाली आहे. आता माहिती मिळत आहे की, सीमा हैदर हिने प्रपोजल स्वीकार केले आहे.

पाकिस्तानमधून आलेली सीमा हैदर आणि भारतातून पाकिस्तानला गेलेल्या अंजूची कहाणी दोन्ही देशातील अबालवृद्धांच्या तोंडी आहे. एकीकडे अंजूवर प्रेमाचा असा रंग चढला की, ती पती व दोन मुलांना सोडून आपल्या फेसबुक प्रियकर नसरुल्लाह याला भेटण्यासाठी पाकिस्तानला गेली व तेथे ती फातिमा बनली. तेथे तिच्यावर भेटवस्तूंचा वर्षाव होत आहे. तिला नोकरीच्या ऑफर मिळत आहेत. दुसरीकडे पाकिस्तानमधून भारतात आलेली सीमा हैदरही सेलेब्रेटी बनली आहे. काही दिवसापूर्वी सीमा आणि सचिन मीणा यांना नोकरीची ऑफर मिळली होती त्याचबरोबर सीमाला चित्रपटासाठी रोलही ऑफर झाला होता.

आता चर्चा आहे की, सीमा हैदर २०२४ च्या लोकसभा निवडणुकीच्या रिंगणात उतरू शकते. सीमा हैदरला एनडीएचा सहयोगी पक्ष रिपब्लिकन पार्टी ऑफ इंडियाकडून उमेदवारीची ऑफर मिळाली आहे. दुसरीकडे सीमाने पक्षाचा हा प्रस्ताव स्वीकार केला आहे.

पार्टीचे राष्ट्रीय उपाध्यक्ष मासूम किशोर यांनी सांगितले की,सीमा हैदरला पक्षाकडून ऑफर देण्यात आली आहे. तिला महिला संघटनेचे अध्यक्षपद दिले जाऊ शकते. तिच्याकडे संवाद साधण्याची उत्तम कला आहे. त्यामुळे तिला पक्षाचे प्रवक्तेपदही दिले जाऊ शकते. त्याचबरोबर असेही सांगितले की, तपास एजन्सीजकडून तिला क्लीन चिट मिळण्याची प्रतीक्षा आहे, त्यानंतर हा निर्णय सार्वजनिक केला जाईल.