Priyanka Gandhi: प्रियंका गांधींकडून अमिताभ बच्चन यांनी काढलेला राजीव गांधींचा फोटो पोस्ट

Priyanka Gandhi Instagram Post: काँग्रेस सरचिटणीस प्रियंका गांधी यांनी (२० ऑगस्ट २०२३) रविवारी भारताचे माजी पंतप्रधान आणि त्यांचे वडील राजीव गांधी यांचा त्यांच्या जयंतीनिमित्त एक जुना फोटो शेअर केला. राजीव गांधी आणि इंदिरा गांधी यांच्याशी चांगले संबंध असलेले ज्येष्ठ अभिनेते आणि बॉलिवूड सुपरस्टार अमिताभ बच्चन यांनी हा क्लिक केला होता.

प्रियांका यांनी इंस्टाग्रामवर त्याच्या वडिलांच्या मॉन्टेज व्हिडिओसह एक फोटो शेअर केला आहे. प्रियकां यांनी पोस्टमध्ये १९५९ मध्ये आलेल्या 'अनारी' चित्रपटातील 'जीना इसी का नाम है' हे गाणे बॅकग्राऊंडमध्ये वाजले. हे गाणे मुकेश यांनी गायले होते, जे राज कपूर आणि नूतन यांच्यावर चित्रित करण्यात आले होते.

या व्हिडिओच्या कॅप्शनमध्ये प्रियांका यांनी गाण्याच्या ओळी लिहिल्या, "किसी की मुस्कुरातों पे हो निसार, किसी का दर्द मिल सके तो ले उदार, किसी के वास्ते हो तेरे दिल में प्यार, जीना इसी का नाम है. या ओळी मला नेहमी तुमची आठवण करून देतात. हे गाणे जेव्हा मी ऐकते, तेव्हा माझे डोळे भरून येतात."

Jigsaw Puzzle: काही सेकंदातच जोडला भारताचा नकाशा; सहाव्या वर्षीच आंतरराष्ट्रीय विक्रमाला गवसणी!

फोटोमध्ये राजीव गांधी बॉम्बर जॅकेट घातलेले दिसत आहेत, त्यांच्या गळ्यात डीएसएलआर कॅमेरा लटकलेला आहे. त्यांच्या पाठीमागे जुनी विटांची भिंत आणि गवत दिसत आहे.राजीव गांधी हे १९८४- १९८९ पर्यंत भारताचे सहावे पंतप्रधान होते. २१ मे १९९१ रोजी लिबरेशन टायगर्स ऑफ तमिळ इलमने त्यांची हत्या झाली.