PM Modi: मोदींच्या व्हॉट्सअप चॅनलला प्रचंड प्रतिसाद; अवघ्या काही दिवसात 'इतके' फॉलोअर्स

PM Modi WhatsApp channel: व्हॉट्सअपने नुकतेच त्यांच्या वापरकर्त्यांसाठी व्हॉट्सअप चॅनल नावाचे धमाकेदार फीचर आणले आहे. या नवीन फीचरच्या मदतीने व्हॉट्सअप वापरकर्ते जगभरातील अनेक सेलिब्रिटीशी थेट जोडले जाऊ शकतात. अनेकांनी स्वत:चे व्हॉट्सअप चॅनल देखील सुरु केले आहे. याच पार्श्वभूमीवर भारताचे पंतप्रधान नरेंद्र मोदी यांनीही स्वत:चे व्हॉट्सअप चॅनल सुरु केले. ज्याला देशभरातील नागरिकांकडून प्रचंड प्रतिसाद मिळत आहे. अवघ्या काही दिवसांतच लाखो लोकांनी नरेंद्र मोदींच्या व्हॉट्सअप चॅनलला फॉलो केले आहे. अशा फॉलोअर्सचे मोदींनी आभार मानले आहेत.

पंतप्रधान मोदींनी त्यांचे व्हॉट्सअप चॅनल सुरु करून आठवडा उलटला नाही तोच, ५ दशलक्ष लोकांनी त्यांच्या चॅनलला फॉलो केले आहे. दरम्यान, मोदींनी त्यांच्या व्हॉट्सअप चॅनेलला फॉलो केलेल्या फॉलोअर्स मनापासून आभार मानले आहे. एवढेच नव्हेतर, मोदी हे व्हॉट्सअप चॅनलवर सर्वाधिक आणि जलद फॉलो करणारे जागतिक नेते ठरले आहेत.

व्हॉट्सअप चॅनल सुरु करण्यासाठी तुमच्याकडे व्हॉट्सअप बिझनेस अकाऊंट असणे गरजेचे आहे. तसेच तुमचे व्हॉट्सअप अपडेट असणे आवश्यक आहे. दरम्यान व्हॉट्सअप चॅनल सुरु करण्याची सोपी पद्धत जाणून घेऊयात.

Agniveer bharti: अग्निवीर योजनेत पुन्हा होणार मोठे बदल; ५० टक्के सैनिकांना करणार कायम

व्हॉट्सअप चॅनल सुरु करण्याची पद्धत:

- सर्वप्रथम व्हॉट्सअप उघडा.

- त्यानंतर अपडेट टॅबवर जा, आयकॉनवर क्लिक करा.

- याठिकाणी न्यू चॅनल पर्याय दिसेल. त्यावर टॅप करा.

- यानंतर Get Started पर्याय दिसेल, यात दिलेल्या सूचनांचे पालन करावे.

- चॅनलला नाव देऊन अकाऊंट तयार करा.

- यानंतर चॅनल कस्टमाईज करण्याचा पर्याय उपलब्ध होईल.