Yavatmal: यवतमाळमध्ये २४० मिमी पाऊस; २१९ जणांचे सुरक्षित स्थलांतर, नागरिकांना सतर्कतेचा इशारा

Yavatmal Rains Updates: यवतमाळमध्ये बुधवारपासून जोरदार पाऊस सुरू आहे. यामुळे अनेक भागात पूरपरिस्थिती निर्माण झाली. घरे आणि रस्त्यावर पाणी साचल्याने नागरिकांना अनेक अडचणींचा सामना करावा लागला. दरम्यान, एसडीआरएफ आणि आयएएफ हेलिकॉप्टरच्या मदतीने विविध भागात अडकलेल्या २१९ नागरिकांची सुरक्षित स्थलांतर करण्यात आल्याची माहिती यवतमाळ जिल्ह्याचे जिल्हाधिकारी अमोल येडगे यांनी दिली.

अमोल येडगे यांनी दिलेल्या माहितीनुसार, “यवतमाळ जिल्ह्यात शनिवारी २४० मिमी पावसांची नोंद करण्यात आली. या मुसळधार पावसामुळे अनेक भागात पूरसदृश परिस्थिती निर्माण झाली. एसडीआरएफ आणि आयएएफ हेलिकॉप्टरच्या मदतीने विविध भागात अडकलेल्या २१९ नागरिकांना लोकांना सुरक्षित ठिकाणी हलवण्यात आले.”

Yavatmal Flood: यवतमाळमध्ये धुंवाधार पाऊस; घरे, रस्ते पाण्याखाली, अनेक ठिकाणी बचावकार्य सुरू

यवतमाळमध्ये बुधवारी पावसाने हजेरी लावली. त्यानंतर गुरुवारी जिल्ह्यात विविध ठिकाणी जोरदार पाऊस झाला. त्यानंतर शुक्रवारी पावसाने रौद्ररुप धारण केले. उमरखेड तालुक्यात ६९.१ मिमी पावसाची नोंद करण्यात आली. याशिवाय, महागाव (४९.३ मिमी), आर्णी (५७.४ मिमी), दिग्रस (११.८ मिमी), पुसद (९.६ मिमी), नेर (३.९ मिमी), वणी (२० मिमी), मारेगाव (१४.५ मिमी), झरी (१०.९ मिमी), केळापुर (१५.२ मिमी), घांटजी (१५.५ मिमी), राळेगाव (६८ मिमी), दारव्हा (८८ मिमी), बाभुळगाव (८ मिमी), कंळब (४.२ मिमी) आणि यवतमाळ तालुक्यात सरासरी ३८ मिमी पावसाची नोंद करण्यात आली.