Wardha news : संतापजनक.. मजुरीच्या पैशावरून पत्नीला लाथाबुक्क्यांनी मारलं, नंतर जमिनीवर डोकं आपटून संपवलं

वर्धा : वर्ध्यातून एक खबळजनक घटना समोर आली आहे. मजुरीच्या पैशांच्या वादातून पतीने पत्नीची निर्घृण हत्या केली. वर्धा जिल्ह्यातील पुलगावमधील दखनी फैल परिसरात हा प्रकार घडला. मंगला राजेश राजगत्ता (वय ४५) असं हत्या झालेल्या महिलेचं नाव आहे. तर राजेशसिंह राजदत्ता (वय ५५) असे आरोपी पतीचे नाव आहे. पोलिसांनी आरोपी पतीला बेड्या ठोकल्या आहेत. 
 

पोलिसांनी दिलेल्या माहितीनुसार, राजेशसिंग राजदत्ता व पत्नी मंगला यांच्या मजुरीच्या पैशावरून वाद सुरू होता. याच वादातून राजेशने पत्नी मंगलला लाथाबुक्क्यांनी मारहाण केली आणि तिचं डोकं जमिनीवर आपटलं. यातच मंगलाचा मृत्यू झाला.याप्रकरणी पुलगाव पोलिस ठाण्यात तक्रार  दाखल करण्यात आली असून. पोलिसांनी राजेशसिंगला दखनी फैल परिसरातून अटक केली. 

गडचिरोलीमध्ये पत्नीकडून पतीची हत्या –

दुसरीकडे गडचिरोलीमध्ये अनैतिक संबंधातून पत्नीने प्रियकराच्या मदतीने पतीचा काटा काढल्याची घटना घडली आहे. गडचिरोली जिल्ह्यात कोरची तालुक्यात दवंडी येथे ही घटना घडली आहे. प्रकरणी पोलिसांनी पत्नी, तिचा प्रियकर व आणखी एकाला अटक केली आहे. दवंडीमध्ये लखन सोनार हे किराणा मालाचं दुकान चालवत होते. ११ ऑक्टोबरला मध्यरात्री गाढ झोपेत असताना घरात पाच जण तोंडाला काळा कपडा बांधून आले आणि त्यांनी धारदार शस्त्रांनी वार करून लखन यांची हत्या केली. यानंतर पत्नीने पोलीस स्टेशन गाठलं आणि आपल्यासमोरच पतीची हत्या झाल्याची तक्रार दिली. तपास करत असताना सरितानेच मुख्य आरोपी सुभाषच्या मदतीने पतीचा काटा काढल्याचं समोर आलं.