Wardha News : हरणाच्या मटणावर ताव मारणं पडलं महागात.. दोघांना अटक, वर्ध्यातील घटना

हरणाची शिकार करून एका हॉटेलमध्ये मटण पार्टी केल्याचा धक्कादायक प्रकार वर्ध्यात समोर आला आहे. या प्रकरणी दोन जणांना अटक करण्यात आली आहे.हरणाच्या मटणावर ताव मारणंसात ते आठ जणांना चांगलच महागात पडलं असून त्यातील दोघांना अटक केली आहे.

वर्ध्याच्या सावंगी परिसरात हा प्रकार समोर आला आहे. वर्ध्याच्या आंजी परिसरातून या हरणाची शिकार केल्याची प्राथमिक माहिती आहे. हरणाची शिकार करून मटण करणाऱ्या सात ते आठ जणांवर गुन्हा दाखल करण्यात आला आहे,यातल्या दोन आरोपींना अटक करण्यात आली आहे. या दोघांनाही दोन दिवसांची वन कोठडी सुनावण्यात आली आहे.

सावंगीच्या चौकातील ठाकरे किचन या हॉटेलमध्ये मटण केल्याची माहिती समोर आली आहे. या प्रकरणात आरोपींची संख्या वाढण्याची शक्यता आहे. हरणाची शिकार केलेला मुख्य आरोपी फरार असल्याची माहिती समोर आली आहे.