Udayanraje Bhosale: 'तर मिशाच काय, भुवया पण काढून टाकेन' थेट माध्यमांसमोर उदयनराजें असे का म्हणाले?

Udayanraje Bhosle On Shivendra Raje Bhosale: खासदार उदयनराजे भोसले आणि आमदार शिवेंद्रराजे भोसले यांच्यातील वाद गेल्या अनेक वर्षांपासून सुरु आहे. हे दोघेही एकमेकांवर टीका करण्याची कोणतीही संधी सोडत नाहीत. दरम्यान, शिवेंद्रराजे यांनी उदयनराजेंवर भ्रष्टाचाराचे आरोप केले होते. याबाबत उदयनराजे यांना प्रश्न विचारला असता त्यांनी आपल्या शैलीत माध्यमांना उत्तर दिले आहे. “जर लोकांनी सांगितलं की, उदयनराजेंनी पैसे खाल्लेत तर मी मिशा काढून टाकेन”, असे त्यांनी शिवेंद्रराजेंना चॅलेंज दिले आहे. तसेच थेट समोर येऊन दाखवा असा इशाराच दिला आहे.

शिवेंद्रराजे यांनी काही दिवसांपूर्वी उदयनराजे यांचे नाव न घेता नगर विकास आघाडीने त्यांच्याच काळात मोठा भ्रष्टाचार केल्याचा आरोप केला होता. याबाबत पत्रकारांनी उदयनराजे यांना प्रश्न विचारला असता ते म्हणाले की, “माझं एक ठाम मत आहे, तुम्ही एकदा समोरासमोर या आणि आम्हाला सांगा की, आम्ही कुठे भ्रष्टाचार केला आहे आणि काय केले आहे, आम्ही मान्य करू. हा माईक लोकांमध्ये द्या आणि त्यांना सांगू द्या की, उदयनराजेंनी पैसे खाल्ले आहेत. तसे कोणी जर बोललं तर देवाशपथ सांगतो मिशा काय, भुवया पण काढून टाकेन आणि परत तोंड ताखवणार नाही", असे उदयनराजे यांनी म्हटले आहे.

Uddhav Thackeray : राज ठाकरेंच्या धमाक्याला उद्धव ठाकरेंचं एका वाक्यात उत्तर

पुढे शिवेंद्रराजे यांच्याबाबत बोलताना उदयनराजे म्हणाले की, “ज्यांच्या जीवावर यांनी संस्था स्थापन केल्या ते सर्वांना माहिती आहे. मला सांगताना लाज वाटते. बोलतानासुद्धा कमीपणा वाटतोय. बोलू की नको, असे झाले आहे. पण अजिंक्यतारा कुक्कुटपालन, अजिंक्यतारा बाजार समिती, बँका, महिला बँक आणि इतर अनेक संस्थांद्वारे यांनीच लोकांचे पैसे खाल्ले. दुर्दैवाने मला सांगावसं वाटते की, असे लोक एवढ्या मोठ्या घराण्यात जन्माला आले तरी कसे? आमच्या दारात कधी कोण आले नाही. आई-बहिणींवरून कोणी आम्हाला शिव्या दिल्या नाहीत", अशा शब्दात उदयनराजे यांनी शिवेंद्रराजेंना टोला लगावला आहे.