पुण्यात राज ठाकरे घेणार समाचार ! ओवसी, औरंगजेबाची कबर या विषयांवर तोफ धडाडणार
May 19, 2022, 11:31 PM IST
- सभेचे पोस्टर झाले प्रसिद्ध : २२ मे रोजी होणार सभा
सभेचे पोस्टर झाले प्रसिद्ध : २२ मे रोजी होणार सभा
- सभेचे पोस्टर झाले प्रसिद्ध : २२ मे रोजी होणार सभा
पुणे : ५ जुन रोजी राज ठाकरे हे अयोध्येला जाण्यापूर्वी पुण्यात जाहीर सभा घेणार आहे. या सभेत ते अयोध्या दौ-या बाबत खुलासा करणार असल्याचे वृत्त आहे. या सोबतच ते अनेकांचा समाचार या सभेत घेणार असल्याचे स्पष्ट झाले आहे. त्यांच्या सभेचे पोस्टर आणि व्हॉट्सअॅप मॅसेच सोशल मिडीयावर फिरत आहेत. त्यातून सभेदरम्यान ठाकरे यांनी कुणा कुणाचा समाचार घेणार याचे सुतोवाच केले आहे.
मनसेचे अध्यक्ष राज ठाकरे हे अयोध्येला जाणार आहे. त्यांच्या या दौ-यावरूनही राजकारण तापले आहे. या दौ-यापूर्वी ते पुण्यात आले होते. दरम्यान प्रकृती अस्वास्थामुळे ते पुन्हा मुंबईत परतल्याने ही सभा होणार की नाही या बाबत प्रश्नचिंन्ह निर्माण झाले होते. दरम्यान सभेची तारीख ही २१ मे ठरली होती. मात्र, यात बदल होऊन ही सभा आता २२ मे रोजी होणार आहे. राजहे त्यांच्या ठाकरे शैलीत कुणाकुणाचा या सभेत समाचार घेणार या विषयी उत्कंठा ताणून गेली आहे. अनेकांनी या बाबत तर्क वितर्क लढविण्यास सुरूवात केली आहे. दरम्यान राज यांच्या सभेच्या पोस्टर वरून या सभेर राज हे अकबरुद्दीन ओवैसी आणि औरंगजेबाची कबर या विषयांवर त्यांची तोफ धडाडणार आहे. या बाबतचे स्पष्ट संकेत पुणे शहर मनसेने जाहीर केलेल्या पोस्टरवरुन मिळत आहेत.
या पोस्टरमध्ये ‘ बुडाला औरंग्या पापी, म्लेंछसंव्हार जाहालो !! मोडलीं मांडली छेत्रें, आनंदवनभुवनी या ओव्या राज यांच्या पोष्टरवर पाहायला मिळत आहे. दरम्यान एमआयएमचे आमदार अकबरुद्दीन ओवैसी यांनी औरंगाबाद येथील सभेत राज ठाकरेंना तुम्हाला कोण विचारत या शब्दांमध्ये टीका केली होती. कुत्र्यांना भोकू द्यावे. सिंह शांततेत चालतो, असे ते म्हणाले होते. याला राज ठाकरे काय प्रत्यूत्तर देतात याकडेही सर्वांचे लक्ष लागून राहिले आहे.