Pune Crime : पुण्यात उच्चभ्रू कोरेगाव पार्क परिसरात सेक्स रॅकेटचा पर्दाफाश; आठ मुलींची सुटका

Pune sex racket : पुण्यात उच्चभ्रू समजल्या जाणा-या कोरेगाव परिसरात एका मसाज पार्लरमध्ये सुरू असलेल्या वेश्याव्यवसायाचा पर्दाफाश पुणे पोलिसांनी केला आहे. येथील ली ब्युटी स्पा या मसाज पार्लवर पोलिसांच्या सामाजिक सुरक्षा पथकाने छापा टाकत ९ मुलींची यातून सुटका केली आहे. या घटनेमुळे खळबळ उडाली आहे. या प्रकरणी ६ जणांवर गुन्हा दाखल करण्यात आला आहे.

किरण चंद्रकांत कोळी (वय २९, रा.पिंपरी,पुणे), महंमद इंजामुल हुसेन (वय १९, रा.कोरेगाव पार्क,पुणे), मुकुल घुले, अनुज कुमार राकेश पांडे, अब्दुल बतेने, सोना निगडे (सर्व रा.पुणे) अशी याप्रकरणी गुन्हा दाखल झालेल्या आरोपींची नावे आहे.

याबाबत कोरेगाव पार्क पोलीस ठाण्यात विश्रांतवाडी पोलीस ठाण्यात परिविक्षाधीन नेमणुकीस असलेले पोलीस उपनिरीक्षक सत्यवान शंकर गौड यांनी आरोपीं विरोधात फिर्याद दिली आहे.

कोरेगाव पार्क परिसरात नॉर्थ लिबर्टी मेन रस्त्यावर लिबर्टी सोसायटी असून त्याठिकाणी दुसऱ्या मजल्यावर ली ब्युटी स्पा आहे. या ठिकाणी मसाज पार्लरच्या नावाखाली तरुणींकडून वेश्याव्यवसाय करुन घेतला जात असल्याची माहिती पोलीसांना मिळाली होती. त्यानुसार सामाजिक सुरक्षा विभागाचे पथकाने स्पा सेंटरवर छापा टाक ण्यात आला. यावेळी आठ तरुणींकडून वेश्याव्यवसाय करुन घेतला जात असल्याचे आढळले. पोलिसांनी या आठ तरुणींची वेश्याव्यवसायातून सुटका केली आहे. संबंधित महिलांना वेश्याव्यवसायाकरिता प्राप्त करुन घेऊन त्यांना पैशाचे अमिष दाखवून त्यांना वेश्याव्यवसायासाठी प्रवृत्त करुन मसाज सेंटरच्या नावाखाली त्यांच्याकडून आरोपींद्वारे वेश्याव्यवसाय करुन घेतला जात होता. त्यातून मिळालेल्या रकमेतून स्वत:ची उपजीविका भागवित असताना त्यांना ८८ हजार रुपयांच्या मुद्देमालासहित कारवाई करण्यात आली आहे.