Gunaratna Sadavarte : 'पुण्यातील बंद बेकायदा; उदयनराजे, संभाजीराजेंना बेड्या ठोका'

Gunaratna Sadavarte on Pune Bandh : छत्रपती शिवाजी महाराज, डॉ. बाबासाहेब आंबेडकर, महात्मा ज्योतीबा फुले यांच्यासह महाराष्ट्रातील अन्य महापुरुषांचा राज्यपाल भगतसिंह कोश्यारी व भाजपच्या नेत्यांकडून सातत्यानं होत असलेल्या अपमानाचा निषेध म्हणून आज राजकीय पक्ष व शिवप्रेमी संघटनांनी पुणे बंद पुकारला आहे. या बंदला कडकडीत प्रतिसाद मिळत असतानाच बंदची हाक देणाऱ्यांवर कारवाईची मागणी केली जात आहे.

ॲड. गुणरत्न सदावर्ते यांनी ही मागणी केली आहे. 'भारत देश हा संविधानाच्या आधारे चालतो. बंद हे बेकायदेशीर आहेत असं खुद्द सर्वोच्च न्यायालयानं वेळोवेळी सांगितलं आहे. असं असताना लोकांना वेठीस धरून बंद करणं, बंदच्या नावाखाली मोर्चा काढणं हे चुकीचं आहे, असं सदावर्ते यांनी वृत्तवाहिन्यांशी बोलताना सांगितलं. 

Raj Thackeray : भाजपविरोधात मवाळ भूमिका व पत्र लेखनामुळं राज ठाकरे ट्रोल

'पुण्यातील बंदला जे कोणी जबाबदार असतील, मग ते विरोधी पक्षनेते अजित पवार असो, खासदार उदयनराजे भोसले असो किंवा मग माजी खासदार संभाजीराजे भोसले असो, त्या सर्वांवर कारवाई व्हायला हवी. बंद पुकारल्यामुळं हातावर पोट असलेल्या लोकांचं प्रचंड नुकसान होतं. त्यांच्या भाकरीवर गदा येते. याची दखल घेऊन न्यायालायनं यापूर्वी शिवसेनेला दंड ठोठावला आहे. त्यामुळं पुण्याच्या पोलीस आयुक्तांनी कोणाचीही वाट न पाहता या प्रकरणात कारवाई करावी आणि उदयनराजे व इतरांना बेड्या ठोकाव्यात, अशी मागणी सदावर्ते यांनी केली आहे.

Udayanraje : नुपूर शर्मावर जी कारवाई झाली, तशीच शिवरायांचा अवमान करणाऱ्यांवर करा; उदयनराजेंची मागणी