Pune: बेल्हा- जेजुरी महामार्गावर टेम्पोची दुचाकीला जोरदार धडक, माय-लेकासह तिघांचा जागीच मृत्यू

Truck-Bike Collision In Pune: पुण्याच्या शिरूर तालुक्यातील शिक्रापूरजवळ बेल्हा- जेजुरी महामार्गावर भीषण अपघात झाला. या अपघातात मायलेकासह तिघांचा जागीच मृत्यू झाला आहे. शुक्रवारी (३ फेब्रुवारी २०२३) संध्याकाळी साडेसात वाजण्याच्या सुमारास हा अपघात घडला. शिक्रापूर पोलीस ठाण्यात या अपघाताची नोंद करण्यात आली असून पोलिसांनी पुढील चौकशीला सुरुवात केली आहे.

मिळालेल्या माहितीनुसार, विजया दिलीप डोके (वय, ४५), संकेत दिलीप डोके (वय, २०) आणि ओंकार सुक्रे (वय,२०) अशी मृतांची नावे आहेत. दरम्यान, शुक्रवारी संध्याकाळी संकेत त्याची आई विजयाला नातेवाईकांच्या घरी पुजेच्या कार्यक्रमाला सोडण्यासाठी दुचाकीहून चालला होता. परंतु, येताना संकेतसोबत कोणी नसल्याने त्याने जिवलग मित्र ओंकार सुक्रे यालाही बरोबर घेतले. मात्र, धामारी येथे वळणावर शिक्रापूरच्या बाजूने आलेल्या एका टेम्पोची डोके यांच्या दुचाकीला जोरदार धडक दिली. या धडकेत तिघांचा जागीच मृत्यू झाला.

Murder Mystery : चुलतीचे पुतण्याबरोबर अवैध संबंध अन् हत्या.. एका सिमकार्डवरून हत्येचे गूढ उकलले

या प्रकरणी संपत चंदर डोके यांनी शिक्रापूर पोलीस ठाण्यात फिर्याद दिली. शिक्रापूर पोलिसांनी चालकाविरोधात गुन्हा दाखल केला असून पुढील तपास पोलीस करत आहेत. मात्र, एकाच दिवशी तिघांचा मृत्यू झाल्याने आंबेगाव तालुक्यात शोकाकुल वातावरण निर्माण झाले आहे.

पुणे: बस-ट्रकच्या धडकेत चौघांचा मृत्यू, २० जखमी

पुणे-सोलापूर महामार्गावर बुधवारी बस आणि ट्रकच्या धडकेत चार जणांना आपला जीव गमवावा लागला, तर 20 जण जखमी झाले. जखमींवर जवळच्या रुग्णालयात उपचार सुरू आहेत. पुणे जिल्ह्यातील यवत गावाजवळ पहाटे ५ वाजता हा अपघात झाला.