मोदींच्या हस्ते CSMT पुनर्विकास प्रकल्प उद्घाटन, कसे असेल नवे सीएमएमटी स्थानक, पाहा VIDEO

मुंबई - पंतप्रधान नरेंद्र मोदी गुरुवारी मुंबई दौऱ्यावर असून या दौऱ्यात ते अनेक प्रकल्पांचा उद्घाटन करणार आहेत. यामध्ये मुंबईकरांसाठी जिव्हाळ्याचे छत्रपती शिवाजी महाराज टर्मिनस अर्थात सीएसएमटीच्या पुनर्विकास प्रकल्पाचे उद्घाटनही सामील आहे. उपमुख्यमंत्री देवेंद्र फडणवीस यांनी ट्विट करून नव्या प्रकल्पाची माहिती देताना एक व्हिडिओ ट्विट केला आहे. यासाठी १८,००० कोटी रुपयांचा निधी मंजूर करण्यात आला आहे.

मुख्यमंत्री देवेंद्र फडणवीस यांनी ट्विट केले आहे की, आमच्या आयकॉनिक सीएसएमटी छत्रपती शिवाजी महाराज टर्मिनसबद्दल आणखी एक महत्त्वाची बातमी. पंतप्रधान नरेंद्र मोदी रेल्वे प्रवाशांचा प्रवास आरामदायी, सोयीस्कर आणि दर्जेदार बनवण्यासाठी छत्रपती शिवाजी महाराज टर्मिनस पुनर्विकास प्रकल्पाचे उद्घाटन करतील. या प्रकल्पांतर्गत सीएसएमटी आणखी भव्य आणि अत्याधुनिक सुविधांसह नव्या रूपात येईल, असे ट्वीट देवेंद्र फडणवीस यांनी केले आहे.

Brij Bhushan Singh : ६ वेळा खासदार, लैंगिक शोषणाचे आरोप अन् राज ठाकरेंना भिडणारे ब्रिजभूषणसिंह कोण?

सीएसएमटी पुनर्विकास प्रकल्प १८,००० कोटी रुपयांचा आहे. CSMT पुनर्विकास प्रकल्पाची मोदींच्या हस्ते उद्या पायाभरणी करण्यात येणार आहे. या प्रकल्पामध्ये स्थानक येण्यासाठी व जाण्यासाठी वेगळे मार्ग, अपंगांसाठी विशेष व्यवस्था, प्रवाशांसाठी उत्तम सेवा, कार्यक्षम इमारत आणि १९३० मध्ये बांधलेल्या हेरिटेज साइटचा जीर्णोद्धार करण्यात येणार आहे.