Pankaja Munde: मी आर्थिकदृष्ट्या तणावात, दररोज बँकांच्या पाया पडतेय; पंकजा मुंडे अडचणीत!

Pankaja Munde News: भाजपच्या नेत्या पंकजा मुंडे यांच्या परळीतील वैद्यनाथ सहकारी साखर कारखान्यावर केंद्रीय जीएसटी आयुक्तालयाने मोठी कारवाई केली. कारखान्याची सुमारे १९ कोटींची मालमत्ता जप्त करण्यात आल्याची माहिती आहे. आर्थिक अडचणीत असलेल्या इतर कारखान्यांना सरकारकडून मदत मिळत आहे. परंतु, माझ्या कारखान्याकडे सरकारने दुर्लक्ष केले, अशा शब्दात पंकजा मुंडेंनी खंत व्यक्त केली.

केंद्रीय जीएसटी आयुक्तालयाने सहा महिन्यांपूर्वी पंकजा मुंडे यांच्या परळी येथील वैद्यनाथ सहकारी कारखान्यावर छापा टाकला. त्यावेळी केंद्रीय जीएसटी आयुक्तालयाने कागदपत्रे तपासली असता कारखान्याने १९ कोटी रुपयांचा जीएसटी कर बुडवल्याले स्पष्ट झाले. यावर पंकजा मुंडेंनी भाष्य केले आहे. मी आर्थिकदृष्ट्या प्रचंड तणावातून जात असून दररोज बँकांच्या पाया पडतेय, अशा शब्दात पंकजा मुंडेंनी आपली व्यथा मांडली आहे.

टीव्ही९ मराठी शी बोलताना पंकजा मुंडे म्हणाल्या की, “जीएसटी विभागाने काही महिन्यांपूर्वी परळीतील वैद्यनाथ सहकारी साखर कारखान्यावर छापा टाकला. त्यावेळी मी त्यांच्या कामात कोणताही अडथळा येऊ दिला नाही. तसेच माझी माणसं पाठवून कार्यालय उघडले. संबंधित अधिकाऱ्यांना सर्व कागदपत्रे दिली. अधिकाऱ्यांना ज्या आकड्यांबाबत शंका होती. त्यामध्ये काहीही तफावत आढळली नाही.”

Anant Chaturthi : गणपती विसर्जनाच्या पार्श्वभूमीवर गुरुवारी मध्यरात्री मुंबईत धावणार १० विशेष लोकल ट्रेन

पुढे पंकजा मुंडे म्हणाल्या की, “आमचा कारखाना खूप अडचणीत आहे. मी देखील आर्थिकदृष्या प्रचंड तणावात आहे. माझे नऊ किलो वजन कमी झाले आहे. मी दररोज बँकेच्या पाया पडतेय. मात्र, ज्यावेळी इतर कारखान्यावर आर्थिक संकट कोसळले, तेव्हा सरकारकडून त्यांना मदत मिळाली. माझ्याही कारखान्याकडून मदतीसाठी अर्ज केला होता. पण आम्हाला मदत मिळाली नाही. मी तक्रार करत नाही. पण कदाचित मदत मिळाली असती तर, मी या पैशांची परतफेड करू शकली असते”, अशा शब्दांत पंकजा मुंडेंनी खंत व्यक्त केली.