धक्कादायक.. नवविवाहिता पतीला भीती दाखवायला गेली अन् जीव गमावून बसली, परभणीतील घटना

परभणी जिल्ह्यातून एक खळबळनजक घटना समोर आली आहे. एका नवविवाहितेला पतीला भीती घालणे चांगलेच अंगलट आले आहे. नवऱ्याला भीती दाखवण्याच्या उद्देशाने गळफास लावून घेण्याचे नाटक करतानाच खराच गळफास लागला व त्यातच तिचामृत्यू झाल्याची घटना घडली आहे. जिंतूर तालुक्यातील कावी येथेही घटना घडली आहे. याप्रकरणीअकस्मात मृत्यूची नोंदकरण्यात आली आहे.

सायली लक्ष्मण काठमोरे (वय १९) असे मृत्यू झालेल्या नवविवाहितेचे नाव आहे. कावी गावातील लक्ष्मण रामभाऊ काठमोरे व त्यांची पत्नी सायली हे नवविवाहित जोडपे पुणे येथे कामानिमित्ताने रहात होते. सणासाठी तेगावाकडे आले होते.

२१सप्टेंबर रोजी सायंकाळी महालक्ष्मी मांडणे झाल्यानंतर सायलीला लक्ष्मण यांनी गणपती दर्शनासाठी जातो असे म्हटले. तेव्हा सायलीने गमतीने म्हटले की, जर तुम्ही गणपती बघायला गेलात तर मी घरात फाशी घेईल. लक्ष्मण यांनीही गंमत म्हणून हसत हसत घे फाशी असे म्हणत निघून गेले.

त्यानंतर सायलीने पती लक्ष्मणला भीती घालण्यासाठी घरामध्येच महालक्ष्मी मांडणीसमोरच दोरीचा फास करून गळ्यात अडकविला, मात्र पायाखालील स्टूल निसटल्याने तिचा त्यातच प्राण गेला. हा प्रकार सायलीच्या मृत्यूनंतरच कुटुंबियांना समजला. तिची प्राणज्योत मावळल्याने एका नवविवाहित जोडप्याचा संसार अर्ध्यावरच मोडला आहे. या घटनेमुळे काठमोरे कुटुंबावर दु:खाचा डोंगर कोसळला आहे.

घटनास्थळी बामणी पोलीसठाण्याचे पथक पोहोचून घटनेचा पंचनामा केला व मृतसायलीचे शविच्छेदन जिंतूर येथील शासकीयरुग्णालयात केले.सायलीच्या आई-वडिलांनीकोणावरही आरोप न केल्यामुळेअकस्मात मृत्यूची नोंदकरण्यात आली.