Mumbai Airport : मुंबई विमानतळाने पुन्हा रचला इतिहास, एका दिवसात इतक्या विक्रमी संख्येने प्रवाशांना दिली सेवा

मुंबई एअरपोर्टने (Mumbai Airport) ऐतिहासिक कामगिरी करत मैलाचा दगड पार केला आहे. छत्रपती शिवाजी महाराज इंटरनॅशनल एअरपोर्ट (CSMIA) वर एकाच दिवशी विक्रमी १ लाख ६१ हजार ७६० प्रवाशांना सेवा दिली. सीएसएमआयए सध्या केवळ सिंगल रनवे विमानतळाच्या रुपात कार्यरत आहे. मुंबई विमानतळाच्या या विक्रमी कामगिरीबद्दल अदानी ग्रुपचे चेयरमन गौतम अदानी यांनी सोशल मीडियावर एक पोस्ट शेअर केली आहे.

अदानी ग्रुपचे चेयरमन गौतम अदानी यांनी म्हटले की, "ही एक ऐतिहासिक कामगिरी आहे. ११ नोव्हंबर रोजी आम्ही २४ तासात १,०३२ उड्डणे करत विश्वविक्रम नोंदवत सर्वात व्यस्त एअर ट्रॅफिक दिवस साजरा केला आणि आज आम्हाला मुंबई विमानतळावर नवा मैलाचा दगड रचण्याचा सन्मान प्राप्त झाला. यासिंगल रनवे विमानतळाने एका दिवसात विक्रमी १,६१,७६०प्रवाशांना सेवा दिली आहे. यासाठी एएआय, सीआयएसएफ, इमीग्रेशन आणि कस्‍टम तसेच अदानी टीमच्या अथक प्रयत्नांना सलाम.  जय हिन्द."

दीवाळी निमित्त मुंबई एअरपोर्ट (Mumbai Airport) हून एक हजाराहून अधिक फ्लाइटचे एअर ट्रॅफिक मूव्हमेंट्स (ATM) नोंदवले गेले. ११ नोव्हेंबर रोजी १०३२ फ्लाइट्स टेकऑफ आणि लँडिंग करण्यात आले. हीCSMIA साठी मोठे यश आहे. आता एका दिवसात १,६१,७६० प्रवाशांना सेवा देण्याचा विक्रम बनवला गेला आहे.

मुंबई आंतरराष्ट्रीय विमानतळाचे (Mumbai International Airport)व्यवस्थापन अदानी समूहाकडे आहे. यापूर्वी, एका दिवसात १०३२ हवाई वाहतुकीचा विक्रम नोंदवल्यानंतर,मुंबई विमानतळाने ११ नोव्हेंबर रोजी १,६१,४१९ प्रवाशांना सेवा दिली होती, आज हा विक्रम मोडला गेला आहे.